Ӕфсӕддон парад, культурон ӕмӕ спортивон мадзӕлттӕй Хуссар Ир банысан кӕндзӕн йӕ юбилей

© Sputnik / Валерий МельниковӔфсӕддон парад, культурон ӕмӕ спортивон мадзӕлттӕй Хуссар Ир банысан кӕндзӕн йӕ юбилей
Ӕфсӕддон парад, культурон ӕмӕ спортивон мадзӕлттӕй Хуссар Ир банысан кӕндзӕн йӕ юбилей - Sputnik Хуссар Ирыстон
Рафыссын
Ӕфсӕддон парад, хорзӕх кӕныны церемонитӕ, цытджын рабадт, спортивон ӕмӕ ӕндӕр мадзӕлттӕй Хуссар Ирыстоны сӕмбӕлдзысты сӕйраг паддзахадон бӕрӕгбоныл - Республикӕйы боныл.

ЦХИНВАЛ, 14 сен — Sputnik. Республикӕ Хуссар Ирыстоны 25 азы юбилейы цытӕн официалон мадзӕлттӕ райдайдзысты 17 сентябры. Райгуырӕн бӕстӕйы раз сӕ лӕггӕдты тыххӕй Паддзахадон хорзӕхтӕ лӕвӕрд ӕрцӕудзысты министрӕдтӕ, ведомствӕтӕ ӕмӕ организациты минӕвӕрттӕн, фехъусын кодтой Sputnik официалон мадзӕлттӕ цӕттӕ кӕныны къамисы.

1990-ӕм азы Хуссар Ирыстоны интеллигенци ӕмӕ ӕхсӕнады минӕвӕрттӕ расидтысты Советон Цӕдисы сконды Республикӕ. Нысаниуӕгджын датӕйыл ацы аз 25 аз кӕй ӕххӕст кӕны, уымӕ гӕсгӕ бӕрӕгбон нысан цӕуы уӕрӕхӕй.

Республикӕйы бон нывгӕнджытӕ банысан кӕндзысты равдыстӕй - Sputnik Хуссар Ирыстон
Республикӕйы бон нывгӕнджытӕ банысан кӕндзысты равдыстӕй

Республикӕйы боны хӕдразмӕ, 19 сентябры, Хуссар Ирыстоны банысан кӕндзысты Паддзахадон тырысайы бон. Бӕстӕйы паддзахадон символты тыххӕй Цхинвал ӕмӕ районты скъолаты ацӕудзӕн "Иумæйаг сахат".

"Театралон фӕзуаты 11 сахатыл ацӕудзӕн Паддзахадон тырысайы хӕрдмӕ схӕцыны цытджын церемони. Хайад дзы райсдзысты бӕстӕйы къухдариуӕгад ӕмӕ ӕхсӕнад, кадетон скъолайы ахуырдзаутӕ ӕмӕ цытджын хъарагъул. Тырысайы бӕрӕгбон балхынцъ уыдзӕн классикон музыкӕйы изӕрӕй", — банысан кодтой къамисы.

Юбилейон боны нывæзты сӕйраг мадзӕлттӕй сӕ иу у Ӕфсӕддон парад. Ам ӕвзонг республикӕйы историйы фыццаг хатт рацӕудзысты хъахъхъæнынады æмæ мидхъуыддæгты министрæдты сылгоймæгты къордтæ.

Æфсæддон парады фæстæ цытджын æгъдауæй баконд æрцæудзæн Бæстæзонæн музей, уый фæстæ киноконцертон зал "Чермен"-ы ацӕудзӕн цытджын æмбырд.

РХИ Нывгӕнджыты цӕдисы уӕнгтӕ Республикӕйы бон банысан кӕндзысты сӕ куыстыты равдыстӕй.

Бæрæгбонон мадзæлттæ 20 сентябры фæуыдзысты горæты стадионы стыр концертæй, хайад дзы райсдзысты цыппар паддзахадон ансамблы —"Абхазия", "Симд", "Алан" ӕмӕ "Вайнах". Ӕхсӕвы та Цхинвалы сæрмæ арв ныррухс кæндзæн бæрæгбонон салют.

Ног хабӕртты лентӕ
0