ДНР и ЛНР открыли свои представительства в Южной Осетии.

Гуырдзиаг паспорттӕ байуарыны хъуыддаг Хуссар Иры нымайынц "радон рӕдыд къахдзӕфыл"

14
(ранӕуӕггонд 15:36 25.12.2015)
Ведостмвӕйы банысан кодтой, Хуссар Ирыстонимӕ ахастытӕ фидар кӕныны нысанӕн Тбилис раздӕрау ныфс кӕй ӕвӕры цӕрджыты зӕрдӕ "фӕлмӕн тыхы" политикӕйӕ балхӕнынӕй.

ЦХИНВАЛ, 25 дек — Sputnik. Хуссар Ирыстоны цӕрджытӕн Евроцӕдисы арӕнты сӕрты цӕуыныл "сагъæсыл" республикӕйы сты ӕнӕууӕнк ӕмӕ йӕ нымайынц Гуырдзыстоны радон рӕдыд къахдзӕфыл, фехъусын кодтой майрӕмбоны фӕсарӕйнаг хъуыддӕгты министрады (ФХМ).

Гуырдзыстоны хицауад ацы бонты фехъусын кодта, Хуссар Ирыстон ӕмӕ Абхазы цӕрджытӕн фӕхуымӕтӕггонд схемӕмӕ гӕсгӕ лӕвӕрд кӕй цӕудзысты Гуырдзыстоны биометрикон паспорттӕ Шенгены зонӕмӕ ӕнӕцӕлхдуртӕй цӕуыны тыххӕй.

"Хъыгагӕн та ногӕй бӕлвырд кӕнӕм, Гуырдзыстоны фарс кӕй нӕу конструктивон ӕмӕ нормалон ӕхсӕнхицауадон ахастытӕ саразынӕн", — загътой министрады.

Ведомствӕйы ма куыд банысан кодтой, афтӕмӕй республикӕйы цӕрджытӕн ӕцӕгдӕр гӕнӕн ис ӕмӕ фӕзына зындзинӕдттӕ Европӕйы кӕцыдӕр бӕстӕтӕм визӕтӕ исгӕйӕ. Уыцы хъуыддаг хауы, УФ фӕсарӕйнаг паспорттӕ Хуссар Ирыстоны территорийыл чи райста, уӕлдайдӕр та паспорты райгуырды бынат РХИ нысангод кӕмӕн ӕрцыд, уыдонӕн.

"Хъыгагӕн, ахӕм фадӕттӕй пайда кӕнынц кӕцыдӕр европӕйаг бӕстӕты. Ӕмбӕхсинаг нӕу, ацы цӕлхдуртӕ Гуырдзыстоны хицауады ӕмархайдӕй кӕй ӕвӕрынц, уый дӕр", — загътой дипломатон ведомствӕйы.

ФХМ ма бафиппайдтой, Гуырдзыстоны раздӕры ӕмӕ ныры хицауады архайд кӕй ницӕмӕй хицӕн кӕнынц Хуссар Ирыстонимӕ ахастыты проблематӕ аскъуыддзаг кӕныны хъуыддаджы.

14