Цхинвалы фӕстаг дзуттаг Рибкайӕн сӕххӕст кодтой йӕ бӕллиц

© Sputnik / Руслан ТадтаевЦхинвалы фӕстаг дзуттаг Рибка
Цхинвалы фӕстаг дзуттаг Рибка - Sputnik Хуссар Ирыстон
Рафыссын
Цхинвалы дыккӕгӕм скъолайы 1987 рауагъдонтӕ ӕрӕмбырд кодтой ӕхцайы фӕрӕзтӕ ӕмӕ сӕххӕст кодтой Рибка Мордехы чызджы бӕллиц - балхӕдтой йын ӕхсӕн машинӕ.

ЦХИНВАЛ, 16 фев — Sputnik. Цхинвалы дыккӕгӕм скъолайы 1987 азы рауагъдонтӕ горӕты фӕстаг дзуттаг Джинджихашвили Рибкайӕн балхӕдтой ӕхсӕн машинӕ — уымӕ ацӕргӕ сылгоймаг бӕллыд рагӕй.

Цхинвалы фӕстаг уираг

Рибка Мордехы чызджы тыххӕй ӕрӕджы фыста Sputnik уацхӕссӕг йӕ уацтӕй сӕ иуы. Уый кӕддӕры бирӕнымӕц уирӕгтӕн Цхинвалы баззад сӕ быныл. Сылгоймаг цӕры иунӕгӕй, уӕззау уавӕрты, бӕллыд ӕхсӕн машинӕмӕ, ӕмӕ йӕ бӕллиц йӕ къухты бафтыд.

Зӕронд усы уӕззау хъысмӕты кой куы айхъуыст, уӕд ын баххуысы фӕнд скодтой дунейы алы къуымты цӕрӕг дзуттӕгтӕ, Цхинвалӕй ацӕугӕ ирӕттӕ ӕмӕ ӕндӕр хӕларзӕрдӕ адӕм, се ‘хсӕн дыккӕгӕм скъолайы рауагъдонтӕ дӕр.

Уыдон сӕ лӕвар куы ӕрбахастой, уӕд бамбӕрстой, сылгоймаджы бӕллиц афтӕ ӕнцон сӕххӕстгӕнӕн кӕй нӕу. Хӕдзары ӕхсӕн машинӕ сӕвӕрынӕн бынат дӕр нӕй, аннӕмӕй та йӕм дон дӕр нӕ цӕуы. Уымӕ гӕсгӕ, хӕдзарон техникӕ нырма лӕууы сыхӕгты ныккӕнды.

"Хуыцаубоны ӕхсӕн машинкӕ лӕппутӕ ӕрбахастой ӕмӕ уал ӕй махмӕ ӕрӕвӕрдтой. Куыддӕр рауалдзӕг кӕна, афтӕ сӕм ӕз дӕр фӕкӕсдзӕн ӕмӕ йӕм хъуамӕ дон бауадзӕм", — радзырдта Sputnik сыхаг лӕппу Дзӕгъиаты Гемир.

© Sputnik / Руслан ТадтаевЦхинвалы фӕстаг дзуттаг Рибка Джинджихашвили
Рибка - Sputnik Хуссар Ирыстон
Цхинвалы фӕстаг дзуттаг Рибка Джинджихашвили

Фӕлӕ, проблемӕтӕм ӕнӕкӕсгӕйӕ, Рибка йӕ лӕварӕй баззад стыр бузныгӕй ӕмӕ йыл мидбылхудтимӕ ныхъхъӕбыстӕ кӕны.

Рибка Джинджихашвили кӕд нӕ фыццаг фембӕлды рӕстӕджы Израилмӕ афтынмӕ бӕллыд, уӕддӕр ныр йӕ бӕллицыл йӕ зӕрдӕ сивта ӕмӕ Цхинвалӕй ацӕуыны фӕнд нал кӕны.

Ног хабӕртты лентӕ
0