Города мира. Сухум

Хуссар Иры инвалидтæн баххуыс кӕндзысты Гагрæйы протезӕвæрæн центры

12
(ранӕуӕггонд 11:09 10.03.2016)
Центрмæ фыццаг ацæудзæн 28-аздзыд Хуыгаты Денис, кæцы 2008 азы августы фесæфта йæ къах.

ЦХИНВАЛ, 9 мар — Sputnik, Козаты Дианæ. Хуссар Ирыстоны хæсты инвалидтæ æввахс рæстæджы ацæудзысты Абхазы протезæвæрæн центрмæ, фехъусын кодта Sputnik Хуссар Ирыстоны хæстон архæйдтыты рæстæджы инвалидтæ чи ссисты, уыцы Фæцæфуæвджыты хъахъхъæныны фонды президент Плиты Мадинæ.

Йæ ныхæстæм гæсгæ, фонды дæс адæймагæй протезты хъуагдзинад чи æййафы, уыдонæй иу ацæудзæн æфсымæрон Абхазмæ ацы къуыри.
Хуссарирыстойнаг организаци фарон баныхас кодта Абхазы Фыдыбæстæйон хæсты инвалидты фондимæ æмгуыстады фæдыл бадзырд бафыссыныл. Документмæ гæсгæ æмгуыстад цæудзæн æрмæст гуманитарон къабазы нæ, фæлæ ма хуссарирыстойнаг инвалидтæн протезтæ аразыны хъуыддаджы.

"Æдæппæт нæ фонды ис дæс æрыгон лæппуйы, кæцытæ ссисты инвалидтæ Хуссар Ирыстон гуырдзиаг агрессийæ бахъахъхъæныны рæстæджы. Фыццаг протез æвæрынмæ ацæудзæн Хуыгаты Денис, кæцы йæ къах фесæфта 2008 азы августы. Ныртæккæ йыл цæуы 28 азы", — загъта Плиты Мадинæ.

Уый банысан кодта, хуссарирыстойнаг инвалидтæн абхазаг президент Рауль Хаджимбайы хæслæвæрдæй кæй баххуыс кæндзысты Гагрæйы протезтæ æвæрæн центры. Плиты Мадинæ ма бафтыдта, Абхазы сæргълæууæг æрæджы сæ фембæлды рæстæджы йæхæдæг кæй бахаста фæндон инвалидтæн Гагрæйы протезæвæрæн центры æххуыс бакæнынӕн.

"Нæ лæппутæн операцитæ сараздзысты Гагрæйы нырыккон медицинон центры. Нæ къух нын сарæзтой æмæ сын операцийы аргъ слæудзæн дыууæ хатт асламдæр", — банысан кодта фонды сæргълæууæг.

Уый ма бахахх кодта, фонды проекттæ иууылдæр æххæст кæй цæуынц президент Тыбылты Леониды æххуысæй.

1989-2008 ӕзты дӕргъы Хуссар Иры территорийыл хӕстон архайдтыты фӕстиуӕгӕн фӕцӕфуӕвджыты ӕмӕ инвалидты фонд арӕзт ӕрцыд 2005 азы. Организаци ӕххуыс кӕны, хӕсты йе ‘нӕниздзинад кӕмӕн фӕцудыдта, ахӕмтӕн хос кӕныны хъуыддаджы. Фонды сконды ис 200 адӕймагӕй фылдӕр. Фыццаг рады ӕххуыс цӕуы фӕцӕфуӕвджыты уӕззау категоритӕн.

12
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

1
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

1
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

1
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

1