Цхинвалы "Æхсæв музейы" хайадисджытæн фенын кодтой традицион ирон хæдзар

© Sputnik / Алексей Ковалев"Æхсæв музейы"
Æхсæв музейы - Sputnik Хуссар Ирыстон
Рафыссын
Этнографийы залы æрбацæуджытæн ирон фæндыры зæлтимӕ сæ размæ рахастой хæдзарон бæгæны, ирон уæлибыхтæ æмæ дзыкка.

ЦХИНВАЛ, 18 май — Sputnik. Акци "Æхсæв музейы — 2016" фæлгæтты æртыццæджы националон музейы дуæрттæ уыдысты гом æнæхъæн æхсæв.

Æрвылаздæр 18 майы нысан кæнынц Музейты æхсæнадæмон бон. Ацы бон æппæт дунейы музейтæ сæ дуæрттæ бакæнынц æрбацæуджытæн.

Цыкурайы фæрдыг - Sputnik Хуссар Ирыстон
Цыкурайы фæрдыг суыдзæн "Æхсæв музейы" сæйраг экспонат

Æхсæвыгон музеймæ фуазæг ирон аивад æмæ культурæйы аргъгæнджыты бирæ нымæц. Музейы кусджытæ æмбæлдысты уазджытыл традицион ирон дарæсы ирон бæгæны æмæ æртæ уæлибыхимæ.

Изæры цытджын хай ацыд ирон фæндыры зæлтимæ этнографийы залы, цыран æвæрд ис ирон традицион хæдзары хуызæг. Уазджытæ æрбамбырд сты артдзæсты алыварс, хæдзары æфсин цхинвайлæгты размæ рахаста хæдзарон бæгæны, æртæ ирон уæлибыхы æмæ дзыкка (дзыкка цæттæ кодтой бынаты).

Афтæ ма уазджытæн уыд фадат фенын уникалон экспонат — Цыкурайы фæрдыг.

Музейы директор Зассеты Мерабы ныхæстæм гæсгæ, радон хатт Цыкурайы фæрдыг феныны фадат фæзындзæн æрмæстдæр иу азы фæстæ.

"Традицимæ гæсгæ-иу, Цыкурайы фæрдыг нæ фыдæлтæ райстой æрмæстдæр аз иу хатт. Акцийы фæстæ йæ мах айсдзыстæм витринæйæ. Фенæн ын уыдзæн æрмæстдæр иннæ аз", — банысан кодта уый.

Кæд æмæ акци "Æхсæв музейы — 2016" Цхинвалы ацыд фыццаг хатт, уæддæр алы сахат дæр фылдæр кодта æрбацæуджыты нымæц.

"Тынг æхсызгон мын уыд, Цхинвал ацы акцимæ кæй æрбаиу, уыцы хабар. Тынг æнахуыр у æхсæв музеймæ цæуын, алæмæттаг атмосферæ дзы уыд. Мæ хъуыдымæ гæсгæ, ацы акцийæн бантыст æрбангом кæнын ахæм адæмы, кæцытæ ныры онг тынг нæ цымыдис кодтой нæ фыдæлты истори æмæ культурæмæ", — загъта музеймæ æрбацæуджытӕй иу.

"Æхсæв музейы" у æрвылазон акци, кæцы нывонд у Музейты æхсæнадæмон бонæн. Ацы бон нысан кæнынц æрвылаз дæр Европæйы 42 бæстæйы. 2016 азы Хуссар Ирыстон фыццаг хатт райста хайад ацы акцийы.

Ног хабӕртты лентӕ
0