Sputnik равдисдзӕн Хуссар Ирыстоны маргъы атахы бӕрзондӕй

© Sputnik / Михаил ХасиевЦхинвальский район
Цхинвальский район - Sputnik Хуссар Ирыстон
Рафыссын
Квадрокоптеры руаджы ист Хуссар Ирыстоны тыххӕй видеоӕрмӕджытӕ фенын кӕндзысты республикӕйы иууыл аивдӕр къуымтӕ, афтӕ ма радзурдзысты йӕ истори ӕмӕ культурӕйыл.

ЦХИНВАЛ, 17 авг — Sputnik. Информацион агентад ӕмӕ радио Sputnik сарӕзта видеопроект "Sputnikӕй фӕлгӕсгӕйӕ", уый фӕлгӕтты порталы дыууӕ версийы кӕсджытӕн фадат уыдзӕн Хуссар Ирыстоны тыххӕй видеоӕрмӕджыты серимӕ бакӕсын, кӕцытӕ ист ӕрцыдысты квадрокоптеры руаджы. Афтӕ ма видеойы мах равдисдзыстӕм Хуссар Ирыстоны иууыл фенддагдӕр къуымтӕ, архитектурон цыртдзӕвӕнтӕ, мыггаджы мӕсгуытӕ ӕмӕ фидӕрттӕ.

Фыццаг фӕлгӕст Sputnik ракодта Цхинвалы алфамблай ӕмӕ Цхинвалы районыл; дыккаг видео та нывонд уыдзӕн республикӕйы сӕйраг горӕтӕн, цыран цхинвайлӕгтӕ бакӕсдзысты зонгӕ къуымтӕм, сквертӕм, хидтӕм ӕмӕ столицӕйы ӕндӕр объекттӕм ног ракурсӕй — маргъы атахы бӕрзондӕй.

Взгляд со SPUTNIKа: Цхинвальский район - Sputnik Хуссар Ирыстон
SPUTNIKӕй фӕлгӕсгӕйӕ: Цхинвалы район

Проект "Sputnik ӕй фӕлгӕсгӕйӕ", ӕрӕмбырд кӕндзӕн кадртӕ ӕппӕт Ирыстонӕй ӕмӕ интернетӕй пайдагӕнджытӕн сараздзӕн ӕххӕст видеотур республикӕйыл.

Sputnik Хуссар Ирыстоны сӕйраг редактор Гасситы Динӕйы ныхӕстӕм гӕсгӕ, "Sputnik ӕй фӕлгӕсгӕйӕ" равдисдзӕн Хуссар Иры ног цӕстӕнгасӕй.

"Хуссар Ирыстон у чысыл республикӕ, кӕцы ӕвӕрд у Кавказаг рагъы хуссарварс, ницӕимӕ абаргӕ атмосферӕ ӕмӕ националон колоритимӕ. Sputnik Хуссар Ирыстон бафӕлвӕрдта уыдон равдисын ног проекты видеоӕрмӕджыты, цӕй нысан ма у ӕппӕт дунейӕн республикӕйы культурон ӕмӕ туристон потенциал раргом кӕнын", — загъта Гасситы Динӕ.

Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ. Рафысджытӕн ног хабӕртты лентӕтӕ ӕнӕхъӕн суткӕйы дӕргъы цӕуынц англисаг, арабаг, испайнаг ӕмӕ китайаг ӕвзӕгтыл.

Ног хабӕртты лентӕ
0