РХИ сӕйраг санитарон дохтыр Коцты Марина

Коцты Марина: тубдиспансеры арӕзтад Цхинвалгæрон ницы тӕссаг у

12
(ранӕуӕггонд 12:18 14.12.2016)
Тубдиспансеры арæзтад Цхинвалы кæрон нæ халы санитарон нормæтæ, зæгъы Хуссар Ирыстоны сæйраг санитарон дохтыр.

ЦХИНВАЛ, 14 дек — Sputnik, Козаты Диана. Хуссар Ирыстоны столицӕйы хуссар кæрон рæуджыты низы ныхмæ диспансеры арæзтады рæстæджы бахынцдзысты æппæт санитарон-эпидемиологон домæнтæ, загъта Sputnik "Югосетпотребнадзоры" сæрдар Коцты Марина.

Хуссар Иры столицæйы микрорайонтӕй иуы цæрджытæ бахатыдысты Sputnikмæ, цæмæй сын сæ проблемӕмæ аздахой хъусдард. Уыдон сфæнд кодтой сæ хæдзæрттæм хæстæг диспансеры арæзтады ныхмæ къухфыстытæ æрӕмбырд кæнын, уымæн æмæ нымайынц, ацы арæзтад сантирон домæнтæ кæй халы æмæ ахæм "сыхагдзинад" тæссаг кæй у се ‘нæниздзинадæн.

"Тубдиспансерæн бынат равзарыны фарстыл уынаффæ цæуы 2008 азæй фæстæмæ. Амæй размæ цы бынæттæ равзæрстой, уыдоныл нæ службæ не ʻсразы ис, уымæн æмæ дзуапп нæ дæттой нормæтæн. Цы варианттæ нæм æрбавдыстой, уыдонæй мах равзæрстам горæтты хуссар кæрон", — загъта Коцты Марина.

Йæ ныхæстæм гæсгæ, ацы бынаты хынцыд цæуынц æппæт санитарон-хъахъхъæнæн нормæтæ, уымæй дарддæр ма уый у горæты кæрон æмæ уæлвæткон уавæрты рæстæджы микробтæ цæудзысты сыгъдæггæнæн арæзтадыл.

Уый бамбарын кодта, цæрджыты санитарон-эпидемиологон æнæзиандзинады законы 2004 азы онг дзырдæуыд, ахæм объекттæ кæй хъуамæ уой 500 метры дарддæр цæрæн зонæтæй. Фæлæ ацы нормæ 2010 азæй йæ тых фесæфта.

"Ног домæнтæм гæсгæ инфекцион, психиатрон, туберкулезон нысаны стационартæ гæнæн ис аразын цæрæн районтæй 100 метры дӕрддзæф. Ацы профилы стационартæ, кæцытæ нымад сты мин æмæ фылдæр адӕймагæн, хуыздæр у аразын горæтты æддейæ æрдзы хъæбысы. Махмæ та хъуамæ саразой диспансер 25 рынчынæн", — загъта сӕйраг санитарон дохтыр.

Ноджы ма æнæмæнгхъæуæг домæн у коммуникацитӕ, кæцытæ ацы бынатмæ æрцыдысты уагъд. Югосетпотребнадзор ма проектаразджытæй æрдомдта сæвæрын хисæрмагонд сыгъдæггæнæн арæзтæдтæ, цæмæй æппæтгорæтон коммуникацитæм цы тæнгъæд иу кӕна, уый уа сыгъдæг микробтӕй.

Уымӕй дарддӕр ма нӕй гӕнӕн цӕугӕдӕттӕм ӕппарын алыгъуызон тӕнгъӕдтӕ, кӕцыты мидӕг ис инфекцион низты цырынгӕнджытӕ. Уымӕ гӕсгӕ, "Югосетпотребнадзор" лыстӕггай ӕвзары алы вариант дӕр, ӕмӕ кӕд истӕуыл фӕдызӕрдыг вӕййы, уӕд смам кӕны проект ӕнӕхъӕнӕй.

Сӕйраг санитарон дохтыр банысан кодта, ранымайгӕ домӕнтӕ иууылдӕр кӕй фӕхӕццӕ сты хицауады онг дӕр.

"Мах не стӕм ацы территорийыл ног диспансер саразыны ныхмӕ", — загъта Коцты Марина.

Уый ныфс бавӕрдта, йӕ ведомствӕ кӕй контроль кӕндзӕн хосгӕнӕн уагдоны сыгъдӕггӕнӕн арӕзтӕдты куыст, диспансер куы скуса, уый фӕстӕ дӕр.

"Ныры диспансер цы уавӕрты ис, уым афтӕмӕй кусӕн нӕй. Уый халы ӕппӕт санитарон нормӕтӕ дӕр.Ног бӕстыхайы арӕзтад у ӕнӕмӕнгхъӕуӕг, рӕуджыты низӕй рынчын ӕмбӕстӕгтӕн хъуамӕ уа уавӕртӕ куыд ӕмбӕлы афтӕ хоскӕнынад рацӕуынӕн", — бахахх кодта уый.

Коцты Марина ма бафтыдта йӕ ныхӕстӕм, зӕгъгӕ, паддзахад, кӕй зӕгъын ӕй хъӕуы, хъуамӕ хынца йе ‘мбӕстӕгты цӕстӕнгас ӕмӕ ӕнӕразыдзинад, фӕлӕ ӕвдисӕйнӕгтӕн иууылдӕр кӕй хъуамӕ уа бырдур.

"Цӕрджытыл рӕуджыты низ афтӕ ӕнцонтӕй куы хӕцид, уӕд дзы фыццаджыдӕр фӕрынчын уыдаиккой, бирӕ ӕзты ӕдзӕллаг уавӕрты туберкулезон рынчындоны чи кусы, уыцы адӕм, ӕви та диспансермӕ 30 метрӕй ӕввахсдӕр цы хӕдзӕрттӕ ис ӕвӕрд, уыдоны цӕрджытӕ", — загъта сӕйраг санитарон дохтыр.

Уый ма банысан кодта, зӕгъгӕ, дзырд цы раййоныл цӕуы, уый рагӕй кӕй ис мӕгуырау уавӕры, цӕрджытӕ сахуыр сты уырдӕм сӕ бырон калын, ӕмӕ дзы медицинон уагдон куы райдайой аразын, уӕд та ацы территори кӕй ӕрцӕудзӕн хӕрзарӕзт.

12
Автотрассӕ Цхинвал-Дменисыл фӕндагон-транспортон цау

Хуссари Иры ӕрцыд авари: ис зианбаййафджытӕ

14
(ранӕуӕггонд 10:59 31.07.2021)
Фӕндагон бӕллӕххы фӕстиуӕгӕн фӕцӕфуӕвджыты баластой республикон рынчындонмӕ буары алыгъуызон цӕфтимӕ

ЦХИНВАЛ, 31 июл - Sputnik. Автотрассӕ Цхинвал-Дменисыл майрӕмбоны изӕры ӕрцыд фӕндагон-транспортон цау, уый фӕстиуӕгӕн бахъыгдард сты дыууӕ адӕймаджы, хъусын кӕны республикӕйы МХМ пресс-службӕ.

"Авари ӕрцыд 21:00 сахатмӕ ӕввахс автотрассӕ Цхинвал-Дменисыл. Развӕлгъау бӕрӕггӕнӕнтӕм гӕсгӕ, хӕдтулгӕ ВАЗ-2109 фехӕлдта фӕндагон змӕлды фӕтк ӕмӕ сӕмбӕлд машинӕ Toyota Prado", - дзырдӕуы хъусинаджы.

Фӕндагон бӕллӕхы фӕстиуӕгӕн бахъыгдард сты дыууӕ адӕймаджы, уыдон буары алыгъуызон цӕфтимӕ фӕхӕццӕ кодтой РБМЦ. 

Уагдоны банысан кодтой, цауы бынаты кӕй кусынц ПАИ минӕвӕрттӕ, уыдон бӕлвырд кӕнынц аварийы аххосӕгтӕ.

14
Арт-тыгъдад Портал

Хуссар Иры ӕмбырд кӕнынц фӕрӕзтӕ арт-тыгъдад "Портал" сцалцӕг кӕнынӕн

18
(ранӕуӕггонд 15:02 30.07.2021)
Ӕртӕ азы размӕ ӕрдӕгпырх бӕстыхай Ирӕтты уынгыл рахицӕн кодтой инициативон фӕсивӕдӕн, цӕмӕй дзы сорганизаци кӕной арт-тыгъдад

ЦХИНВАЛ, 30 июл — Sputnik, Хъуылымбегты Зӕлинӕ. Инициативон фӕсивӕды къорд ӕмбырд кӕны ӕхцайы фӕрӕзтӕ, цӕмӕй кӕронмӕ саразой верандӕ арт-тыгъдад "Портал"-ы, фехъусын кодта Sputnik "Хуссар Портал"-ы организатортӕй иу Джиоты Къоста.

Ӕртӕуӕладзыгон бӕстыхай Ирӕтты уынгыл паддзахад рахицӕн кодта инициативон фӕсивӕдӕн, цӕмӕй дзы сорганизаци кӕной арт-тыгъдад. Джиоты Къостайы ныхӕстӕм гӕсгӕ, инициативон къорд куыстытӕм бавнӕлдта ӕртӕ азы размӕ – уыцы рӕстӕгмӕ уыдон сцалцӕг кодтой уӕлхӕдзар, раивтой рудзгуытӕ, сӕвӕрдтой дуӕрттӕ, сарӕзтой балкон ӕмӕ дыккаг уӕладзыг. Бӕстыхаймӕ бауагътой электроэнерги дӕр.

"Цалцӕггӕнӕн куыстытӕм ӕнӕкӕсгӕйӕ, фарон фӕззӕджы "Портал" бакодта йӕ дуӕрттӕ хорз музыкӕ уарзджытӕн. Мадзӕлтты рӕстӕджы, кӕцытӕ уагъд цыдысты ацы сӕрд, ӕрӕмбырд кодтой фӕрӕзтӕ мӕнгагъуысты каркасӕн. Сӕрды кӕронмӕ нӕ хӕс у саразын мӕнгагъуыст террасӕйыл, ӕндӕра ноджы иу зымӕг нӕ фасад не сфӕраздзӕн. Ацы куыстытӕ балхынцъ кӕнынӕн мах хъӕуы 30 мин сомы", - банысан кодта Джиоты Къоста.

Йӕ ныхӕстӕм гӕсгӕ, абоны боны онг ӕрӕмбырд кодтой 20 мин сомы.

Арт-тыгъдад "Портал"-ы хъуыды фӕзынд Дзӕуджыхъӕуы активон фӕсивӕды хсӕн. Ахӕм проект Хуссар Ирыстоны сорганизаци кӕныны хъӕппӕрис бахастой хуссарирыстойнаг активисттӕ: Гуыцмӕзты Инна, Джиоты Къоста, Дзигойты Карина ӕмӕ ӕндӕртӕ.

18
Бесаты Дана

Бесаты Дана: ирон зарæг адæймаджы удæн дæтты тых

0
(ранӕуӕггонд 13:24 30.07.2021)
Музыкант, скърипæйæдзæгъдæг, къорд "Монзæл"-ы уæнг Бесаты Дана радио Sputnik Хуссар Ирыстоны эфиры радзырдта, ирон зарæгæн цы нысаниуæг ис йӕ царды, уый тыххæй
Бесаты Дана: ирон зарæг тых дæтты адæймаджы удæн

Фæстаг æзты Ирыстоны прогрессивон фæсивæд йæ хъусдард аздæхта ирон зарæгмæ. Музыкант Бесаты Данайы хъуыдымæ гæсгæ, уымæн йæ аххосаг у генетикæ.

"Æвæццæгæн, уый генетикæимæ дæр у баст, уый тыххæй ӕмæ адæймагæн йæ миддунемæ хæстæг цы уа, уымæ æлвасы йæхи. Ирон зарæг тых дæтты ирон адæймаджы удæн, цардмæ разæнгард кæны æмæ йæм энерги фæзыны", - загъта Дана.

Музыкант куыд банысан кодта, уымæ гæсгæ ирон зарæджы уыд бирæ æнæивгæ традицитæ дзæвгар рæстæг æмæ уый тыххæй фæсивæд сæхи иуварс кодтой уыцы зарджытæй.

"Англисаг æмæ уырыссаг æвзагыл бирæтæ зарынц, минтæ мæ минтæ дунейы мидæг, æмæ уыдон æхсæн англисагау куы азарай, уæд ницæмæй равдисдзынæ дæхи, уый уыдзæн мин фыццӕгæм зарæг. Ирон æвзаг та у экзотикон æвзаг днейы, ничи йæ зоны, афтæ ирон музыкæйы дæр ис индивидуалон зæлтæ, æмæ уыцы мелоди æндæр жанримæ куы сбæттай, уæд дзы райгуыры ног здæхт музыкæйы", - бафиппайдта Дана.

Уый бахахх кодта, алы музыкантæн дæр кæй у ахсджиаг уникалон уæвын, цæмæй макæй хуызæн уа йæ аивад.

0
Темӕтӕ:
Радио иронау