Санаторий "Нагутни" йæхи цæттæ кæны улæфджыты райсынмæ

© Фото из архиваСанаторий в Нагутни
Санаторий в Нагутни - Sputnik Хуссар Ирыстон
Рафыссын
Хосгӕнӕн улӕфӕндон "Нагутни" йæ дуæрттæ æрбакæндзæн 1 июлæй

ЦХИНВАЛ, 8 июн — Sputnik, Плиты Фатимæ. Хуссар Ирыстоны иунæг хосгæнæн санаторий "Нагутни" йæхи цæттæ кæны уазджыты райсынмæ. 20 июнæй райдайдзысты улæфджыты номхыгъдтæ фидар кæнын, ӕмӕ июлы райдианы уым бакæндзысты улæфæн сезон, фехъусын кодта Sputnik РХИ Профцӕдисты советы сӕрдар Джергаты Жанна.

Санаторий ис Знауыры районы. Ам ис хосгӕнӕн дӕттӕ ӕмӕ цъыфтӕ, фылдӕр бӕрцӕй йӕм фӕцӕуын, стӕгнизтӕ цы адӕмы тыхсын кӕнынц, уыдон. Улӕфӕндонӕн æмрæстæджы йӕ бон райсын у 40 улæфæджы.

"Ныридæгæн хосгæнæндон цæттæ цæуы улæфджыты райсынмæ. Ныр дæр нæм æрбацæуынц адӕм, фæлæ къордтæ æмбырд кæнын райдайдзыстæм æрмæстдæр 20 июнæй. "Нагути" йæ дуæрттæ бакæндзæн 1 июлæй. Иу балцæгы аргъ 10 боны æмгъуыдмæ раздӕрау ныр дӕр лæууы дæс мин сомы", — радзырдта Джергаты Жанна.

Уый банысан кодта, ныртӕккӕ улæфæндоны коттеджтæ зымæгон æнæркасты фæстæ кӕй цæуынц цалцæг, æмбæлон уагмæ кæнынц уалдзыгон донивылдты фæстиуæгæн адагтæ фæндаг.

Маршрут выходного дня: Цхинвал- Нижний Рук- Згъубир- Эдис- Эрман - Sputnik Хуссар Ирыстон
Фæстæмæ хъæумæ. Цæрынмæ æви улæфынмæ

Иууыл стырдӕр проблемӕ — республикæйы иунæг хосгæнæн санаторийы нырма дӕр нæй электроэнерги, рухс сӕм цӕуы генератортӕй.

Æрвылаз дæр хосгæнæн улæфæндонмæ Профцӕдисты совет аргъцухӕй рахицӕн кӕны балцæгтæ СФХ ветерантæн, Хуссар Ирыстоны хæстон архайдтыты бабынуæвæг уæрæсейаг æфсæддонты æввахс адæмæн та æнæаргъæй. Джергаты Жаннайы ныхæстæм гæсгæ, ацы аз сæ фæнды ис ацы номхыгъд рауæрæх кæнын.

"Фæцæфуæвджыты ӕмӕ фæмардуæвджыты фонд, афтӕ ма ветеранты цæдисимæ иумæ цæттæ кæнæм фыстæг хицауадмæ, цæмæй ацы нывæзт дарддæр дæр æххæст цæуа — хицæн категорийы адæм баулæфой фæкъаддæргонд аргъыл. Уымæй дарддæр архайæм, цæмæй "Нагутни"-мæ улæфынмæ æрдæг аргъыл ацæуой куыстыл хæст адæм дæр ", — загъта уый.

Ног хабӕртты лентӕ
0