Бибылты Анатолий радзырдта хицауиуæгады 100 боны сæйраг æнтысты тыххæй

Рафыссын
Цхинвалы уагъд цæуы Бибылты Анатолийы пресс-конференци, кæцы у нывонд йæ хицауиуæгады 100 бонæн

ЦХИНВАЛ, 28 июл — Sputnik. Хуссар Ирыстоны президент Бибылты Анатолий ацы 100 боны сæйраг æнтыстыл нымайы министрты кабинеты сырæзт. Уый тыххæй паддзахады сæргълæууæг фехъусын кодта журналисттæн пресс-конференцийы рæстæджы Цхинвалы, кæцы нывонд у бынатмæ бацæуыны 100 боны сæххæстæн.

"Хицауад арæзт æрцыд, нысан ма не ′сты хъахъхъæнынады æмæ арæзтады министртæ. Бирæтæ фауынц, ныры онг нысан кæй нæма ′рцыдысты вице-премьертæ, фæлæ, мæ нымадмæ гæсгæ, стыр æнæмæнгхъæуæгдзинад уыдоны нырма нæй — министртæ æмæ премьер æххæссынц сæ куыстыл. Кæй зæгъын æй хъæуы, фæстæдæр вице-премьертæ æрцæудзысты нысангонд", — загъта президент.

Дзауы районы хистæр Чилæхсаты Владимир - Sputnik Хуссар Ирыстон
Президент ссæрибар кодта йæ бынатæй Дзауы районы хистæр Чилæхсаты Владимиры

Уый ма банысан кодта, кæй фæбæрзонддæр ис фиддонтæ æмбырдкæнынад, уый та фæзынд республикæйы сæрмагонд æфтиæгты рæзтыл.

"Ӕрмæст ацы аз алкоголон æмæ тамакойы продукцийы фæдыл бакæнгæ акцизты фæрцы фæстаг мæй бюджетмæ бацыд 800 мин сомæй фылдæр, кæд æмæ азы райдианæй ацы бæрæггæнæн уыд æрмæстдæр 1,6 млн сомы", — загъта Бибылты Анатолий.

Бибылты Анатолий равзæрст æрцыд Хуссар Ирыстоны президентæй 2017 азы 9 апрелы. Президенты инаугураци ацыд 19 апрелы. Уымæй æртæ боны фæстæдæр хицауад ацыд отставкæйы æмæ аразын райдыдта ног хицауад.

Ног хабӕртты лентӕ
0