Олега Говорун Цхинвалы

Говорун Хуссар Ирыстоны инвестпроектты тыххæй: кæд райдыдтат уæд кусут

14
(ранӕуӕггонд 13:08 05.10.2017)
Уæрæсейы президенты управленийы сæргълæууæг æруынаффæ кодта Цхинвалы инвестицион проектты реализацийы цыдыл

ЦХИНВАЛ, 4 окт — Sputnik, Козаты Диана. Хуссар Ирыстоны чысыл амалиуæгад аразы фыццаг къахдзæфтæ æмæ йæ райрæзтмæ хъæуы аздахын фыццаградон хъусдард, загъта Уæрæсейы президенты управленийы сæргълæууæг ХПӔ-ы бæстæтæ, Хуссар Ирыстон æмæ Абхазимææ соцэкономæмгуыстады фæдыл Олег Говорун инвестортимæ фембæлды рæстæджы.

Говорунæн радзырдтой фыццаг æхсæз инвестицион проекты реализацийы цыды тыххæй, кæцытæй дыууæ — кафе "Vincenco" æмæ фыдызгъæлы завод "Растдон" — ныридæгæн кусынц. Ноджы ма цыппар проекты – "Ирыстоны дыргъдæттæ", базарадон-хиирхæфсæн комплекс, нуазыны дон æвгты æмæ базальтон телты кондад – сты цæттæдзинады æндæр æмæ æндæр къæпхæнтыл.

Инвестициты иумæйаг суммæ у 969 милуан сомы, уыдонæн та ис фадат саразын 283-йы бæрц кусæгон бынæттæ. Уыимæ иумæ ис проблемæтæ æддагон базарадмæ рахызты рæстæджы.

"Растдон"-æн йæ уадзыны хъомысад у 2,5 тонны бæрц продукци суткæйы мидæг, уыимæ иумæ та дзы уагъд цæуы æрмæстдæр 300 кг. Ис зындзинæдтæ уæрæсейаг базарадмæ ацы продукци фæхæццæ кæныны хъуыддаджы, фæлæ кондады хъæуы фылдæр продукци бынæттон базарады уæй кæнын", — радзардта экономикæйы министр Кокойты Геннадий.

Рабадты сæйраг фарст ссис продукци республикæйæн æддæмæ ласынимæ проблемæ. Президент Бибылты Анатолий, кæцы райста хайад фембæлды, бахахх кодта, кæй цæуы куыст республикæйы уадзгæ продукцийæн сертификаттæ дæттæг сæрмагонд орган саразыныл. Президент радта хъæууон хъæдзарады министрадæн дыууæкъуырион æмгъуыд, цæмæй йæ дæлбар организаци (Хуссар Иры хъæууон хæдзарады цæстдард) райдайа йæ куыст.

"Арвитут командировкæйы, науæд та æрбахонут специалистты консультациты тыххæй, цæмæ организаци куса. Уый æрмæст "Растдон"-ы æмæ æндæр кондадты нæ хъæуы, фæлæ ма хицæн адæймæгты дæр", — загъта Бибылты Анатолий.

© Sputnik . Руслан Тадтаев
Олег Говоруны балц Цхинвалмæ

Говоруны фарстæн, зæгъгæ, цы уыдзæн кæд æмæ хæслæвæрд æххæст не ′рцæуа, уымæн та рабадты хайадисджытæй иу радта дзуапп, зæгъгæ, уæд министр ацæудзæн отставкæйы.

Рабадты хайадисджытæ цыбыртæй æрдзырдтой, куыд цæуы инвестпроектты реализаци. Авгджын дон æмæ базальтон телы рауагъд райдайдзæн иннæ азы, уæд ма ныфс дæттынц "Ирыстоны дыргъдæтты" продукцийæ. Базарадон-хиирхæфсæн комплекс, инвесторы ныхæстæм гæсгæ, скусдзæн ацы аз ноябры.

14
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

1
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

1
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

1
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

1