ХИПУ-йы ног бæстыхайы раз сæвæрдзысты Тыбылты Алыксандры цырт

© Sputnik / Наталья АйриянХИПУ юбилей
ХИПУ юбилей - Sputnik Хуссар Ирыстон
Рафыссын
Уæлдæр ахуыргæнæндоны ректоры хъæппæрисы фарс балæууыд президент Бибылты Анатолий

ЦХИНВАЛ, 8 дек — Sputnik. Зынгæ ирон ахуыргонд, æхсæнадон архайæг æмæ Хуссар Ирыстоны паддзахадон университеты (ХИПУ) бындурæвæрджытæй иу — Тыбылты Алыксандрæн цырт сæвæрыны фæнды тыххæй фехъусын кодтой цыппæрæмы, зонадон-практикон конференцийы рæстæджы Цхинвалы, кæцы нывонд уыд ахуыргонды райгуырдыл 130 азы сæххæстæн. Мадзалмæ фæуазæг ис президент Бибылты Анатолий, хъусын кæны йæ пресс-службæ.

"Тыбылты Алыксандр уыд ирд гоймаг. Ахæм адæймæгтæ баззайынц историйы æмæ адæмы хъуыдыйы. Кæд æй хъысмæт нæ рæвдыдта, уæддæр бирæ сарæзта ирон æвзаджы райрæзтæн, йæ цард снывонд кодта йæ уарзон хъуыддагæн", — загъта Бибылты Анатолий.

Паддзахады сæргълæууæг балæууыд ректор Тедеты Вадимы хъæппæрисы фарс – ахуыргондæн ног бæстыхайы раз сæвæрдзысты цырт.

"Ацы цыртæй мах сæнусон кæндзыстæм стыр ахуыргонды ном, адæймаджы ном, кæцы йæ адæмæн стыр кад скодта", — загъта президент.

Ног хабӕртты лентӕ
0