Транскам

Хуссар Ирыстоны нырма дæр нæй рухс æмæ æддагон дунеимæ бастдзинад

56
(ранӕуӕггонд 11:49 25.12.2017)
Фæндагон службæтæ æмæ энергетиктæ кусынц сæвзæргæ проблемæтæ аиуварс кæныныл, фæлæ нырма зын дзурæн у, республикæйы ногæй кæд фæзындзæн рухс æмæ кæд сæндидздзæн фæндагон бастдзинад Уæрæсеимæ

ЦХИНВАЛ, 25 дек — Sputnik. Дарддæр цæуынц Транскавказаг автомагистраль митæй ссыгъдæг кæныны фæдыл куыстытæ, фæлæ нырма зын зæгъæн у, кæд байгом уыдзæн трассæйыл транспортон змæлд, фехъусын кодтой Sputnik РХИ УУМ-ы пресс-службæйы.

Транскавказаг автомагистраль, кæцы иу кæны Хуссар Ирыстон æмæ Уæрæсейы, сабатæй фæстæмæ у æхгæд, тыхджын митуард æмæ зæйтæ æрцæуыны тасы аххосагæй.

"Транскамы цæгатирыстойнаг фадыгыл фæндагон службæтæ æмæ ирвæзынгæнджытæ абон æрæвнæлдтой мит сыгъдæг кæнынмæ. Хуссар Ирыстоны æрдыгæй фæндаг ссыгъдæг кодтой хуыцаубоны, фæлæ та стæй ногæй æруарыд мит æмæ та ныртæккæ уым ногæй цæуынц куыстытæ", — радзырдта уагдоны минæвар.

Цæгат Ирыстоны УУМ-ы информацимæ гæсгæ, Транскаммæ æввахс къулдымтыл миты æмбæрзæны бæрзæнд иу метрæй фылдæр кæй у, уый ссис зæйты æрцыды аххосаг. Æвзæр боныгъæды тыххæй нæй фадат зæйцæуæн бынæттæ фехсын дæр, фæлæ уæддæр фæндаг сыгъдæг кæнынц дарддæр.

Ведомствæйы ныхæстæм гæсгæ, фæндаг иууыл къаддæрæй уыдзæн æхгæд къуырисæры изæрмæ.

Уавæр ма вазыгджын у Хуссар Ирыстоны электроифтонгадимæ дæр. Республикæ аззад æнæ рухсæй сабаты бонæй тыхджын митуарды тыххæй, кæцы ныскъуыдтæ кодта электрохызæджы хæххытæ.

Энергетиктæ ссардтой æмæ сцалцæг кодтой цалдæр скъуыды, фæлæ иу сæ рухс куы рауагътой, уæд иу республикæйы не фæзынд электроэнерги, уый та дзурæг уыд æндæр скъуыдтыл. Цал скъуыд сты, уый зæгъын никæй бон у. "Энергоресурс"-ы къухдариуæгад къуырисæры райсомæй уыд æнæбафтгæ комментаритæн.

Уыимæ иумæ, электроифтонгадимæ баст проблемæты аххосæй Хуссар Ирыстоны нæ кусынц сабидæттæ. Рынчындон æмæ паддзахадон уагдæтты куыст ифтонг цæуы автономон генераторты хъомыстæй. Хъармгæнæн системæтимæ проблемæтæ сæвзæрд Цхинвалы æмæ республикæйы цæрджытæм.

56
Темӕтӕ:
Авари электрохаххыл Хуссар Ирыстоны (6)
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

2
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

2
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

2
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

2