Ӕртæ бон æнæрухсæй

Ӕртæ бон æнæрухсæй: куыд æмæ кæд аскъуыддзаг уыдзæн проблемæ

177
(ранӕуӕггонд 14:40 25.12.2017)
Фæстаг хатт ма Хуссар Ир дæргъвæтин рæстæг баззад æнæ рухсæй 2006 азы, уæд дæр авари æрцыд Дзомагъы æфцæгыл, цы ран у тæссаг зæйтæй æмæ уырдæм ссæуынæн та рæстæг хъæуы иууыл къаддæрæй 6 сахаты

ЦХИНВАЛ, 25 дек — Sputnik, Плиты Фатимæ. Хуссар Ирыстон æртыккаг бон æрвиты æнæ рухсæй, кусæгон къордтæ архайынц проблемæ аскъуыддзаг кæныныл – цалдæр авари иуварс æрцыдысты, фæлæ уæддæр республикæмæ рухс нæ цæуы.

Цхинвалы дуканиты нал ис цырæгътæ уæййаг, Хуссар Ирыстон фесæфта фæндагон бастдзинад фæсарæнтимæ, столицæйы фæзынд доны проблемæтæ, нæ кусынц сабидæттæ æмæ скъолатæ.

Уыдис ма иу æвзæрдæр

Хуссар Ирыстон ивгъуыд æнусы 90-æм æзты уæззау рæстæджытæй куы рахызт æмæ электроэнерги куы рацыд Цæгат Ирыстонæй, уый фæстæ дæр ма иу стыр митуардты рæстæджы мæйгæйтты республикæ баззад æнæрухсæй.

Фæстаг хъусинæгтæм гæсгæ, телтæ аскъуыдысты Дзомагъы æфцæгыл. Ацы бæрзонд хæххон банат у зынвадат, тæссаг дзы у зæйтæ æрцæуынæй дæр.

Ацы бынаты электрохызæджы линийыл авари 11 азы размæ дæр республикæйы ныууагъта æнæрухсæй иу мæйы æмгъуыд.

"Ӕз Дзомагъгомæй ралидзгæ дæн æмæ мæ уæд акодтой фæндагамонæгæй. Уæды президент Кокойты Эдуард йæхæдæг ацыд аварийы бынатмæ, æмткæй уыдыстæм æхсæзæй æмæ сбæлвырд кодтам аварийы бынат. Стæй нæ фæстæ ссыдысты аразджыты стыр къорд — 100 адæймаджы бæрц æмæ телтæ къухæй ивæзтой, афтæ арæзтой рухс. Кæд ныр дæр æфцæгыл ис авари, уæд фæзын уыдзæн йæ саразын", — радзырдта Sputnik Цхинвалы цæрæг Джыгкайты Эльбрус.

Фæстаг хатт ма дæргъвæтин рæстæг республикæ æнæрухъсæй баззад 2006 азы, уæд дæр телтæ аскъуыдысты хæххон бынатыл, радзырдта  уæды ПЭС-ы кусæг,

Аразджыты ныхæстæм гæсгæ, электрон хахх Цæгаттаг портал-Дзау цæуы вазыгджын уавæрты æмæ уый фæзын кæны авари аиуварс кæныны хъуыддаг. Парламенты вице-спикер Тедеты Руслан, кæцы раздæр куыста унитарон куыстуцат "Энергоресурс"-ы, радзырдта Sputnik, Цæгаттаг порталæй Дзаумæ линийы дæргъ кæй у 40 километры бæрц, уыдонæй 14 километры цæуынц зынвадат бынтæттыл.

"Уырдæм афæдзы 8 мæйы бацæуæнтæ нæ вæййы. Зæгъæн нæй, ома "Энергоресурсы" кусджытæ æвзæр архайынц – бæрæг нæу, куыд цæттæ уыд лини зæмæгон рæстæгмæ, стæй ма сабаты горæты уарыд къæвда, хæхтыл та хуылыдз мит", — бафтыдта Тедеты Руслан.

Хисæрмагонд генераци

Хуссар Ирмæ электронон рухс хæххон уавæрты кæй цæуы, уый аркæны аваритæм. Радон авариты рæстæджы та ныхас сцайдагъ вæййы бынæттон электростанцитæ саразыны алыварс.

"Ацы уавæр дæр та æвдисы, кæй хъæуы аразын нæхи электростанцтæ. 2013 азæй фæстæмæ проект лæууы æнæххæстæй. Еныр нын нæхи иу электростанц куы уаид, уæд радгай районтæм дæттиккам рухс. Уый хорз бандавид экономикæйыл дæр, ныридæгæн рухсы хæрдзтæ, ныры æргътæм гæсгæ, сты 500 милуан сомы азы мидæг. Зонкъары электростанц республикæйы электроэнергийы хæрдзтæн æмбæрзид се ʻртыккаг хай", — загъта Тедеты Руслан.

Уый ма банысан кодта, абоны онг "Энергоресурсы" хæс Уæрæсейы раз кæй у 320 милуан сомы, "ацы фæрæзтæй та сырæзид иу электростанци".

177
Темӕтӕ:
Авари электрохаххыл Хуссар Ирыстоны (6)
Коронавирус

Югосетпотребнадзоры фехъусын кодтой коронавирусы фӕдыл ног бӕрӕггӕнӕнтӕ

6
(ранӕуӕггонд 11:52 28.05.2020)
Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы – иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл

ЦХИНВАЛ, 28 май - Sputnik, Козаты Диана. Хуссар Ирыстоны коронавирусы апарахаты уавӕр у стабилон. Ӕртыццӕджы цы тесттӕ ауагътой, уыдонӕй иу дӕр нӕ равдыста вирусы уӕвынад, загъта Sputnik Югосетпотребнадзоры комитеты сӕрдары хӕдивӕг Гаглойты Анна.

Республикон бирӕпрофилон медицинон центры хоскӕнынад нырма цӕуынц аст адӕймаджы, кӕцытӕн уый размӕ сбӕрӕг кодтой коронавирус.

"COVID-19 диагнозимӕ нӕм ис 8 адӕймаджы. Медицинон хъусдарды бын сты 70 адӕймаджы, уыдонӕй 53 – медицинон организациты", - загъта Гаглойты Анна.

Уый банысан кодта, цы дыууӕ медицинон кусӕджы фӕрынчын сты, уыдонӕн сӕ уавӕр у хуыздӕр ӕмӕ сӕ тагъд рӕстӕджы рафысдзысты рынчындонӕй.

Иумӕйагӕй Югосетпотребнадзоры лабораторийы ауагътой 1300 тесты коронавирус сбӕрӕг кӕныны фӕдыл.

Хуссар Ирыстоны COVID-19-ӕй фыццаг фӕрынчынуӕвджытӕ фӕзындысты 6 майы, уӕдӕй фӕстӕмӕ сбӕрӕг кодтой коронавирусӕй 37 рынчыны. Уыцы пациенттӕй иуӕн коронавирусы диагноз не сфидар кодтой.

6

КТ

Компьютерон томограф Цхинвалы скусдзӕн цыппӕрӕмы

3
(ранӕуӕггонд 11:43 28.05.2020)
Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ

ЦХИНВАЛ, 28 май - Sputnik, Козаты Диана. Хуссар Ирыстоны Республикон бирӕпрофилон медицинон центры компьютерон томограф сараздзысты цыппӕрӕмы, загъта хицауады рабадты Ӕнӕниздзинад хъахъхъӕнынады министр Тотчиты Георгий.

Компьютерон томографы куысты згъуыдтытӕ фӕзынд январы. Ӕхсӕнад, рынчындоны ифтонгад кӕй нӕ кусы ӕмбӕлон уагыл, уый тыххӕй базыдта коронавирусы апарахаты фӕстӕ. Ацы низы диагностикӕйӕн ӕнӕмӕнг хъӕуы КТ. 

"Аппараты цалцӕджы куыстытӕ балхынцъ уыдзысты абон. Уый фӕстӕ кусдзысты гемодиализы аппаратыл", - загъта министр.

Хуссар Ирыстоны РБМЦ дохтыр, анестезиолог - реаниматолог Плиты Александр радзырдта Sputnik, ӕртыццӕджы республикӕмӕ кӕй ӕрцыдысты ӕртӕ специалисты ӕхсӕнадӕмон фирмӕйӕ, кӕцытӕ кусынц бӕрзондтехнологион ифтонгадимӕ. Уыдон рахастой, КТ-йӕн цы хъуаг кодта, уыцы деталь.

"Донецкаг фирмӕйы минӕвӕрттӕ, кӕцытӕ сӕхимӕ ӕмӕ ӕппӕт Уӕрӕсейы сӕ хъус дарынц 150 КТ-йы аппаратмӕ, рацыдысты Цхинвалмӕ знон. Уыдон рахастой, цы деталь нӕ фаг кодта КТ-йӕн, уый. Мӕ хъуыдымӕ гӕсгӕ йӕ абон сцалцӕг кӕндзысты", - загъта Плиты Александр.

3