Хицауады сæрдар: куыд тагъддæрæй хъæуы аиуварс кæнын авари электрохаххыл

Хицауады сæрдар: куыд тагъддæрæй хъæуы аиуварс кæнын авари электрохаххыл

39
(ранӕуӕггонд 14:51 25.12.2017)
Хуссар Ирыстоны сæвзæргæ уæлвæткон уавæрыл æруынаффæ кодтой оперативон æмбырдыл премьер-министрмæ

ЦХИНВАЛ, 25 дек — Sputnik. Хуссар Ирыстоны премьер-министр Пухаты Эрик бахæс кодта цыбыр æмгъуыдмæ аиуварс кæнын авари электрохызæгыл, кæцы ифтонг кæны республикæ рухсæй æмæ сифтонг кæнын стратегион нысаниуæгджын объектты æнæрлæугæ куыст, хъусын кæны хицауады пресс-службæ.

Хуссар Ирыстон аззад æнæ рухсæй сабаты тыхджын дæлдзырæтты аххосæй, кæцытæ ныскъуыдтæ кодтой электрохæххытæ. Сæвзæргæ уæлвæткон уавæрыл уынаффæ цыд премьрмæ æмбырдыл.

"Хъæуы куыд тагъддæрæй ауадзын куыстытæ Дзомагъгомы районы электрохызæгыл авари аиуварс кæныны фæдыл, афтæ ма стратегион нысаниуæгджын объектты æнæрлæугæ куыст сифтонг кæнын. Кусæгон режимы, фыццаджыдæр, хъуамæ уой хосгæнæн æмæ ахуырадон уагдæттæ, интернат æмæ зæрæдты хæдзар", — банысан кодта Пухаты Эрик.

"Энергоресурс"-ы минæвар Гæбæраты Анатолийы ныхæстæм гæсгæ, аварийы фæстиуджытæ аиуварс кæныны фæдыл куыстытæ ныр цæуынц æртæ суткæйы бæрц, ныридæгæн цалцæг æрцыдысты æртæ фескъуыды.

"Хъæуы бацæуын Дзомагъгоммæ Цæгаттаг порталы ′рдæм, цæмæй сбæлвырд кæнæм æндæр зиæнттæ, фæлæ дзы бацæуæн нæй. Фæндагон службæтæ УУМ-имæ нын æххуыс кæнынц проблемæ аскъуыддзаг кæнын, кусæм æвæллайгæйæ", — загъта Гæбæраты Анатолий.

Ӕмбырдыл ма уынаффæ кодтой, республикон рынчындон æмæ гуырæн хæдзар электроэнергийæ сифтонг кæныны мадзæлттыл, донифтонгад сæндидзын кæныныл, сывæллæтты рынчындон æмæ дзулфыцæн комбинаты æмæ æндæр ахсджиаг объектты генераторты хъомыстæ адих кæныныл.

Мидхъуыддæгты министр Наниты Игорь загъта, МХМ-ы хисæрмагонд сконд кæй рахызт службæ фæтыхджындæргонд режимы хæссынмæ, республикæйы фæфылдæр ис патрулон экипажты нымæц.

Ӕмбырды хæдфæстæ Пухаты Эрик ацыд фæндагон службæимæ электрохызæджы аварийы бынатмæ Дзомагъгоммæ.

39
Темӕтӕ:
Авари электрохаххыл Хуссар Ирыстоны (6)
Цхинвал

Хуссар Иры ӕнӕкусӕгон бонтӕ нӕ адарддӕр кӕндзысты

1
(ранӕуӕггонд 16:08 28.05.2020)
Июны кӕрӕттӕм баззайдзысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм

ЦХИНВАЛ, 28 мая – Sputnik, Козаты Диана. Хуссар Ирыстоны ӕнӕкусӕгон бонтӕ, кӕцытӕ расидтысты коронавирусы пандемийы тасӕй, нӕ адарддӕр кӕндзысты, загъта Sputnik президенты пресс-секретарь Гасситы Дина.

Хуссар Ирыстоны ӕнӕкусӕгон бонтӕ расидтысты 8 апрелы, уый фӕстӕ сӕ дыууӕ хатт адарддӕр кодтой 11 ӕмӕ 28 майы онг.

"Райсгӕ мадзӕлтты руаджы фӕкъаддӕр ис коронавирусы апарахаты тас. Инфекци нӕ рахызт медицинон уагдӕттӕй, цы ран сизоляци кодтой ӕмбӕстӕгты карантины. Уавӕр ис хъусдарды бын. Уый фӕдыл ӕнӕкусӕгон бонтӕ нӕ адарддӕр кодтой", - загъта Гасситы Дина.

Фӕлӕ баззадысты арӕнӕвӕрдтӕ, кӕцытӕ хауынц кусджыты кӕцыдӕр категоритӕм. Куыстӕй ссӕрибар кодтой ӕвгъӕдджын сылгоймӕгты, 65 азы карӕй хистӕрдӕр адӕмы, ӕмӕ иугӕндзойнон низтӕй рынчын ӕмбӕстӕгты. Уыдонӕн фиддзысты сӕ мызд дӕр.

Афтӕ ма бар ис ссӕрибар кӕнын ныййарджытӕй иуы, кӕцы зилы 10 азы кары онг сывӕллонмӕ.

1
Ветеран

Хуссар Иры фӕмардуӕвӕг ветеранты бинонтӕн бакӕндзысты финансон ӕххуыс

1
(ранӕуӕггонд 14:15 28.05.2020)
Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны, уыдонӕй дыууӕ амардысты Уӕлахизы боны

ЦХИНВАЛ, 28 май – Sputnik, Козаты Диана. Хуссар Ирыстоны хицауады резервон фондӕй хицӕн ӕрцыдысты ӕхцайы фӕрӕзтӕ, ацы аз цы Стыр Фыдыбӕстон хӕсты ветерантӕ амардысты, уыдон бинонтӕн баххуыс кӕныны нысанӕн.

Хуссар Ирыстоны майы сӕ ахицӕн сты Стыр Фыдыбӕстон хӕсты ӕртӕ ветераны – Кокойты Григорий, Джергаты Василий ӕмӕ Арболишвили Александр. Джергаты Василий йӕ 100-азон юбилеймӕ нӕ фӕцард цалдӕр мӕйы. Ноджы ма иу хӕстон архӕйдтыты хайадисӕг Хуссар Ирыстонӕй йӕ цардӕй ахицӕн ис Санкт-Петербурджы, йӕ мӕрдон буар ын фӕстӕдӕр ӕрластой йӕ райгуырӕн бӕстӕмӕ.

"Мах хъынцъым кӕнӕм уыцы адӕмы амӕлӕты тыххӕй, кӕцытӕ хъӕбатырӕй равдыстой сӕхи Стыр Фыдыбӕстон хӕсты быдырты. Стыр хъыгагӕн, азӕй-азмӕ уыдон кӕнынц къаддӕрӕй-къаддӕр. Майы не ‘хсӕнӕй фӕхъуыд ӕртӕ ветераны. Фӕлӕ мах сараздзыстӕм алцыдӕр, цӕмӕй сӕ ном рох макуы уа", - загъта хицауады сӕргълӕууӕг Пухаты Эрик.

 Дзӕнӕттаг ветеранты бинонтӕн ӕххуысы хуызы рахицӕн кӕндзысты фӕйнӕ сӕдӕ мин сомы.

1