Дзæгъиаты Уырызмæг

Хуссар Иры генпрокурор райхæлдта Къæбысты Георгийы хъуыддаджы хæйттæ

31
(ранӕуӕггонд 13:06 22.02.2018)
Республикæйы бюджет нæ райста сæдæгай милуан сомы, Къæбысты Георгий цы мæнг фирмæтæ сарæзта, уыдон архайды аххосæй, фехъусын кодта цæстдардон ведомствæйы сæргълæууæг

ЦХИНВАЛ, 21 фев — Sputnik, Гæбæраты Ян. Бастдзинады экс-министр Къæбысты Георгий Хуссар Ирыстоны территорийыл æмæ рсепубликæйæн æддейæ цы фирмæтæ сарæзта, кæцыты уылты 2010 азæй фæстæмæ хъалонон закæтты иувæрсты ракондæуыд 800 милуан сомы, фехъусын кодта брифингы рæстæджы Хуссар Ирыстоны генералон прокурор Дзæгъиаты Уырызмæг.

Къæбысты Георгийы æрцахстой 2017 азы 7 ноябры. Фæстæдæр горæт Цхинвалы тæрхондон дыууæ хатты адарддæр кодта йæ ахсты æмгъуыд – 2018 азы 7 апрельмæ.

2017 азы сентябры, генералон прокуратурæйы хæслæвæрдмæ гæсгæ, басгæрст æрцыд чырон оператор "МегаФон-Хуссар Ирыстон"-ы ("Остелеком") финансон-хæдзарадон архайд. Генпрокуроры ныхæстæм гæсгæ, æмрæстæджы уагъд цыдысты басгæрсттæ бастдзинад æмæ дзыллон коммуникациты комитеты, кæцыты фæстиуджытæм гæсгæ, Къæбысты Георгийы ныхмæ раразмæ кодтой тæрхон УФ-йы УК-ы 286-æм статьямæ гæсгæ – "кусæгон æххæстбарты сæрты ахызт".

Дзæгъиаты Уырызмæг фехъусын кодта, зæгъгæ, фæдагуырды рæстæджы фæбæрæг, Къæбысты Георгий, кусæгон бартæй пайда кæнгæйæ, ракодта мæнг фирмæтæм ифтонггарз æмæ активтæ, кæцытыл уымæн нæ уыд законон бар.

Фæдагуырд раргом кодта, Къæбысты Георгий æмæ йе ′мгар Джиоты Мириан æнæзакононæй сæхи кæй бакодтой чырон оператор "Магтиком"-ы мæсыггæндтæ.

"Къæбысты Георгий æмæ Джиоты Мириан сарæзтой документтæ мæсыггæндты бын зæххы фадгуытыл, уый фæстæ сарæзтой мæнг документты пакет æмæ райстой хиисбоны фæдыл æвдисæндар. Фæстæдæр мæсыггæндтæ ауæй кодтой компани "Остелеком"-æн 23 милуан сомæй. Ӕхцаты иу хай ацыд мæнг фирмæйы хыгъдмæ, аннæ хай та – Джиоты Мирианы сæрмагонд хыгъдмæ. Фæстæдæр уыцы æхцатæ лæвæрд æрцыдысты Къæбысты Георгиймæ", — загъта Дзæгъиаты Уырызмæг.

Бастдзинады комитеты сæргълæууæджы бынаты куы уыд, уæд Къæбысты Георгий сарæзта куыстуæттæ, кæцытæ истой нардуаттæ "Остелеком"-æй, фæлæ куыстытæ нæ æххæст кодтой, адарддæр кодта прокурор. Фæдагуырды версимæ гæсгæ, ацы фирмæты уылты бантыст ракæнын 800 милуан сомæй фылдæр.

Къæбысты Георгийы хæдзар басгæрсты рæстæджы ма байст æрцыд сæрмагонд аппаратурæ сусæгæй хъусынæн.

"Ныридæгæн мах сбæлвырд кодтам фрагментты иу хай. Ацы бæрæггæнæнтæ куы фехъусын кæнæм, уæд Къæбысты Георгийы æмбæлттæй бирæтæ бахаудзысты дисы", — загъта прокурор.

Генпрокурор ма банысан кодта, фарон уголовон хъуыддаджы баконды фæстæ, Къæбысты Георгий кæй нал у хицауады минæвар "Остелеком"-ы (компанийы акциты 25 проценты сты республикæйы исад), чырон оператор тæ йæ сырæзты бонæй (2004 азы) фыццаг хатт бахаста республикæйы бюджетмæ акцитæй дивиденттæ 40 милуан сомы бæрц.

Хуссар Ирыстоны бастдзинады экс-министр Къӕбысты Георгийы аххосджын кæнынц кусæгон барты сæрты ахизыны, экономикон фыдракæндтæ саразыны æмæ æнæзакононæй химæ хæцæнгарз дарыны.

Къӕбысты Георгий — ПӔК-ы раздӕры ӕмкусӕг, хицӕн рӕстӕджыты куыста бӕрнон бынӕтты РХИ Паддзахадон хъахъхъӕнынады службӕйы, Информаци ӕмӕ мыхуыры комитеты. У республикӕйы уӕлдӕр паддзахадон хорзӕх — Орден Уацамонгӕйы кавалер, активон хайад иста гуырдзиаг-ирон хӕсты.

© Sputnik . Руслан Тадтаев
Георгийы хъуыддаг: Хуссар Иры генпрокурор ратта бӕстон информаци
31
Хуссар Иры фæсивæдон организаци уарынц газет Правда -йы номыртæ æмæ Георгийы лентæтæ

Хуссар Иры фæсивæдон организаци уары газет "Правда" -йы номыртæ æмæ "Георгийы лентæтæ"

7
(ранӕуӕггонд 14:36 06.05.2021)
"Газета Победы"-йы уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы

ЦХИНВАЛ, 7 мая — Sputnik, Дриаты Лейла. Республикон фæсивæдон æхсæнадон организаци "Иууон Алани" æмæ Ирыстоны Россотрудничествойы минæварад уадзынц æрвылазон акци. Активисттæ уардзысты газет "Правда" номыртæ æмæ "Георгийы лентæтæ".

"Фæсивæдон организацийы активисттæ уарынц историон газет "Правда" 1945 азы 9 майæ æмæ мингай "Георгийы лентæтæ". Акци райдыдта республикæйы районтæй æмæ бакæронмæ ис Хуссар Ирыстоны столицайы", - радзырдтой "Иууон Алани"-йы фæсивæдон организацийы.

Акци нæ республикæйы уагъд цæуы 2017 азæй.

Банысан кæнын хъæуы уый, æмæ газет "Правда"-йы юбилейон номыры 1945 азы 9 майы рауагъды официалонæй мыхуыр æрцыдис Советон Цæдисы уæлахиз фашистон Германыл.

"Газета Победы"-йы  уарыны проекты инициатор сис Хуссар Ирыстон Татарстаны уагъдцæуæг форум "Ты нужен своей стране"-йы.

Акцийы аразджыты хъуыдымæ гæсгæ, йæ сæйраг нысан у рæзгæ фæлтæрæн сæ зæрдыл æрлæууын кæнын, цавæр аргъæй æлхæд æрцыд Уæлахиз.

7
Цхинвалы ацӕудзӕн ветренатӕн хисӕрмагонд парадтӕ

Цхинвалы ацӕудзӕн хисӕрмагонд парадтӕ ветренатӕн

15
(ранӕуӕггонд 18:04 06.05.2021)
Стыр Фыдыбӕстон хӕсты дыууӕ ветеранӕ - Тедеты Николай ӕмӕ Къудухты Ефросиняӕн цыт кӕндзысты сӕ ӕдзӕртты раз

ЦХИНВАЛ, 6 мая — Sputnik, Плиты Фатимӕ. Хуссар Ирыстоны столицӕйы Стыр Уӕлахизы 76 азы сӕххӕсты цытӕн дыууӕ ветеранӕн рацӕудзӕн хисӕрмагонд парадтӕ. Цытджын марштӕ ацӕудзысты Гаглойты Владимир ӕмӕ Димитровы уынгтыл, уый тыххӕй Sputnik фехъусын кодта культурӕйы министр Зассеты Жанна.

Хисӕрмагонд парадтӕ ацӕудзысты сӕйраг парады генералон репетициимӕ иу бон.

"Стыр Фыдыбӕстон хӕсты дыууӕ ветеранӕн, кӕцыты тын фӕнды фенын парад, фӕлӕ сӕ бон нӕу бацӕуын театралон фӕзуатмӕ, уыдонӕн ацӕудзӕн хисӕрмагонд парадтӕ. Тедеты Николай ӕмӕ Къудухты Ефросиняйӕн цыт кӕндзысты сӕ хӕдзӕртты раз",- загъта министр.

Хисӕрмагонд парадтӕ ацӕудзысты Цхинвалы дыууӕ уынгтыл.

"Парадтӕ ацӕудзысты 7 майы Гаглойты Владимир ӕмӕ Димитровы уынгтыл", - бафтыдта уый.

Хуссар Ирыстонӕй Стыр Фыдыбӕстон хӕстмӕ ацыд 21 000 адӕймаджы 11 711 дзы фӕмард хӕсты, авд минӕй фылдӕр нымад цӕуынц ӕбӕрӕгӕй сӕфтыл.

15
Харебаты Вадим

Харебаты Вадим: ныффыстон бирæ ног зарджытæ

13
(ранӕуӕггонд 12:48 06.05.2021)
Хуссар Ирыстоны адæмон артист, ансамбль "Бонвæрон"-ы уæнг Харебаты Вадим радио Sputnik эфиры радзырдта йе сфæлдыстадон нывæзты тыххæй
Харебаты Вадим: уырыссаг æвзагыл сценæйыл рагæй нал зарыдтæн

Хуссар Ирыстоны сæйраг сахары æрæджы уагъд æрцыд концерт "Советская песня", цы ран æххæст кодтой уæды дуджы зарджытæ. Хайадисджытæй сæ иу уыд Хуссар Ирыстоны адæмон артист Харебаты Вадим. Уый куыд банысан кодта, уымæ гæсгæ репертуар цæттæгæнгæйæ тыхстис, уымæн æмæ сценæйыл уырыссагау рагæй нал зарыд.

"Мæ зарджытæ иууылдæр сты ирон æвзагыл æмæ мын ацы концерты хайадист уыд ног хабар. Фæлæ адæмæн сæ зæрдæмæ тынг фæцыд", - загъта Вадим.

Адæмон артисты ныхæстæм гæсгæ, фæстаг рæстæджыты уый бирæ ног зарджытæ ныффыста, кæцытыл хъæуы дзæбæх бакусын.

"Кæм пандеми уыд, кæм æндæр аххосæгтæ, фæлæ сæ сабыргай амайын æмæ дзы ныридæгæн цалдæр зарæг ис цæттæ", - банысан кодта музыкант.

Харебаты Вадим ма куыд бафиппайдта, афтæмæй ацы аз ансамбль "Бонвæрон"-ыл æххæст кæны 50 аз, æмæ уыцы рæстæджы ахæм къорд æгæрыстæмæй æнæхъæн Цæгат Кавказы дæр нæ уыд. Уымæ гæсгæ ацы датæйæн æнæбанысангæнгæ нæй.

13
Темӕтӕ:
Радио иронау