Президент баххуыс кодта киностуди "Allonfilm" скусынæн

© Sputnik / Михаил ХаситыСъемки фильма "Геноцид"
Съемки фильма Геноцид - Sputnik Хуссар Ирыстон
Рафыссын
Паддзахады сæргълæууæджы сæрмагонд хыгъдæй хицæн æрцыд финансон фæрæзтæ киностудийæн исæн ифтонгад балхæнынæн

ЦХИНВАЛ, 6 мар — Sputnik, Плиты Фатимæ. Паддзахады сæргълæууæг Бибылты Анатолий баххуыс кодта националон киностуди "Allonfilm"-æн исæн æрмæг балхæнынæн. Ныридæгæн ног исæн ифтонгадимæ сфæлдыстадон къорд бавнæлдта документалон кинонывтыл кусынмæ, фехъусын кодта Sputnik киностудийы директор Мамиты Григорий.

Колыты Инал - Sputnik Хуссар Ирыстон
"Нæ фæсмон кæнын": Колыты Иналыл Цхинвалы исынц документалон кино

Сфæлдыстадон къорды фæнды ис ацы аз бацæттæ кæнын дыууæ документалон кинолентæ.

"Киностудийы куыст здæхт у Хуссар Ирыстоны ивгъуыды æмæ ныры дуджы хъайтарты ном сæнусон кæнын æмæ Ирыстоны историйы уæззау рæстæджытæ уæрæх экраныл равдисынмæ. Ацы куысты патриотикон нысаниуæг хынцгæйæ президент нæ фарсмæ балæууыд. Ӕнæкæрон бузныгæй баззадыстæм Бибылты Анатолийæ – киностуди ифтонг æрцыд æппæт исæн æрмæгæй", — загъта Мамиты Григорий.

Фæсивæд мысы Хубул Парпат, Колорадо, Гæззаты Вадимы æмæ æндæрты - Sputnik Хуссар Ирыстон
Фæсивæд мысы "Хубул" "Парпат", "Колорадо", Гæззаты Вадимы æмæ æндæрты

Уый ма радзырдта, ныридæгæн ист кæй цæуы документалон киноныв Паддзахадон æдасдзинады комитеты (ПӔК) æнæштатон кусæг, дывæр агент  Колыты Иналы цардвæндагыл, фæстæдæр та бавналдзыстæм 90-æм æзты Хуссар Иры Фыдыбæстæйон хæсты хъайтар Джиоты Аланы тыххæй документалон фильмыл кусынмæ.

Киностуди "Allonfilm"-ы сконды Мамиты Григорийæ дарддæр архайынц Бестауты Юля, Хаситы Михаил æмæ Цхуырбаты Сергей.

Ног хабӕртты лентӕ
0