Sputnik равдыстой фильм дывæр агент Колыты Иналыл

"Мæлæтимæ хæснаг": Sputnik равдыстой фильм дывæр агент Колыты Иналыл

11
(ранӕуӕггонд 17:40 04.04.2018)
Фильм арæзт у Колыты Иналы мысинæгтæ æмæ Хуссар Ирыстоны паддзахадон æдасдзинады комитеты анонимон кусæджы комментариты бындурыл

ЦХИНВАЛ, 4 апр — Sputnik, Козаты Диана. Sputnik пресс-центры æртыццæджы ацыд документалон фильм "Мæлæтимæ хæснаг"-ы премьерæагъоммæ равдыст, фильмы æвдыст цæуы дывæр агент, Хуссар Ирыстоны паддзахадон æдасдзинады комитеты æнæштатон кусæг Колыты Иналы цардыл.

Фильм систа Хуссар Ирыстоны националон киностуди "Allonfilm" Мамиты Григорийы къухдариуæгадæй. Лентæ арæзт у Колыты Иналы мысинæгтæ æмæ Хуссар Ирыстоны паддзахадон дасдзинады комитеты анонимон кусæджы комментариты бындурыл, кæцы банысан кодта, дывæр агент кæй архайдта хуссарирыстойнаг сæрмагонд службæты контролы бын.

Колыты Инал радзырдта, куыд сси дывæр агент, цы дзы домдтой гуырдзиаг "хицæуттæ" æмæ цы цæстæй кастысты ацы хъуыддагмæ йе 'ввахс хиуæттæ.

"Никæмæн ницы дзырдтон, æрмæстдæр ме ′мкусджытæй дыууæйæ зыдтой мæ хъуыддæгты тыххæй. Мах æмбæлдыстæм æхсæвыгæтты, хæдзармæ-иу æнафоны æрбацыдтæн æмæ ме ′ввахс адæм райдыдтой хъуыды кæнын, ома мын чидæр фæзынд", — дзуры фильмы хъайтар.

Режиссер Мамиты Григорий загъта, фильм кæй цæттæ кодтой авралон режимы, кадртæ истой æмæ монтаж кодтой æхсæвыгæтты æмæ улæфт бонты. Фильм бацæттæ кæныныл бахъуыдысты иу мæй.

Фильм æвдыст æрцæудзæн документалон кинонывты XIII æхсæнадæмон фестиваль "Победили вместе"-йы, кæцы ацæудзæн майы Севастополы.

  • Sputnik равдыстой фильм дывæр агент Колыты Иналыл
    Sputnik равдыстой фильм дывæр агент Колыты Иналыл
    © Sputnik / Наталья Айриян
  • Sputnik равдыстой фильм дывæр агент Колыты Иналыл
    Sputnik равдыстой фильм дывæр агент Колыты Иналыл
    © Sputnik / Наталья Айриян
  • Sputnik равдыстой фильм дывæр агент Колыты Иналыл
    Sputnik равдыстой фильм дывæр агент Колыты Иналыл
    © Sputnik / Наталья Айриян
  • Sputnik равдыстой фильм дывæр агент Колыты Иналыл
    Sputnik равдыстой фильм дывæр агент Колыты Иналыл
    © Sputnik / Наталья Айриян
  • Sputnik равдыстой фильм дывæр агент Колыты Иналыл
    Sputnik равдыстой фильм дывæр агент Колыты Иналыл
    © Sputnik / Наталья Айриян
1 / 5
© Sputnik / Наталья Айриян
Sputnik равдыстой фильм дывæр агент Колыты Иналыл

Документалон фильм "Мæлæтимæ хæснаг"-ы премьерон равдыст ацæудзæн апрелы кæрон Цхинвалы, ПККЗ "Чермен"-ы. Колыты Инал нырма нæ федта йæ хайадистимæ фильм, йе ′нкъарæнтæ уый адих кæндзæн лентæйы премьерæйы рæстæджы.

Киностудийы нывæзтты ис сисын фильм Ирыстоны Хъайтар Джиоты Аланы (Парпат) тыххæй, афтæ ма Хуссар Ирыстоны ныхмæ Гуырдзыстоны геноцидыл сæдæ азы сæххæстмæ 2020 азы "Allonfilm" нывæнды сисын нывæфтыд фильм.

Мамиты Гри загъта бузныг президент Бибылты Анатолийæн киностудийы техникон ифтонгадæн æххуысы тыххæй, афтæ ма Sputnik Хуссар Ирыстонæн ахæм мадзæлттæм хъусдарды тыххæй.

Паддзахадон ӕдасдзинады раздӕры ӕнӕштатон кусӕг, паддзахадон хорзӕхты кавалер Колыты Инал 2004 азы Хуссар Иры ПӔК-ы амындмӕ гӕсгӕ сразы ис Гуырдзыстоны сӕрмагонд службӕты ӕмгуыстады ӕнхъарӕныл. Уый бахызта Цхинвалы цалдӕр терактӕй, фӕлӕ йын уӕддӕр фӕстагмӕ йӕхи фыдбылызӕй бахизын нал бантыст. Гуырдзыстоны террористон фӕндтӕ раргом кӕныны тыххӕй сӕ сæрмагонд службæтæ спырх кодтой Иналы хӕдтулгӕ 2008 азы марты. Ӕвзонг лæппу террористон акты фæстиуæгæн фесæфта йæ дыууæ къахы дæр, райста уæззау цæфтæ.

Лæппуйы уæззау хъысмæты тыххæй Sputnik фыста сæрды 2017 азы, уый фæстæ президент Бибылты Анатолийы финансон æххуысæй Колыты Иналæн раивтой йæ протезтæ.

11