ЦХИНВАЛ, 17 апр — Sputnik. Абон Цхинвалы хæрзбон загътой орден "Уацамонгæ"-йы кавалер, инæлар-майор Тедеты Улифанæн, уый дæргъвæтин æзты куыста Советон цæдисы гæрзджын тыхты, уыд Хуссар Иры ХМ бынурæвæрджытæй иу.
Æхсæнад номдзыд инæларæн хæрзбон зæгъынмæ цыдысты Тедеты Улифанæн йæ царды фылдæр хай цы хæдзары ацыд, уый кæртмæ. Йе ʻнусон бынатмæ уый афæндараст кæнынмæ цыдысты йæ бирæнымæц хæлæрттæ, хæстæджытæ æмæ Хъахъхъæнынады структурæты кусджытæ. Фыдохы церемонийы хайад райстой президент Бибылты Анатолий, парламенты спикер Гасситы Петр æмæ министрæдты хистæртæ.
"Амард æцæг патриот, кæцы йæ цард сынвонд кодта йæ райгуырæн бæстæйæн. Уый йæ чысыл карæй фæстæмæ æмбæрста йæ хæс райгуырæн бæстæйы раз, архайдта Ирыстонæн исты хорзы бацæуыныл", — загъта Ветеранты цæдисы хистæры хæдивæг Уалыты Гайоз.
Фыдохы митингы бакастысты тæфæрфæсы телтæ чиновниктæй, дипломаттæй æмæ фæсарæйнаг бæстæты хъахъхъæнынады структурæтæй.
Хуссар Ирыстоны дæргъвæтин рынчыны фæстæ йæ цардæй ахицæн инæлар-лейтенант, орден "Уацамонгæ"-йы кавалер – Тедеты Улифан.
Тедеты Улифан иста активон хайад ивгъуыд æнусы 90-æм æзты гуырдзиаг агрессийы ныхмæ тохты. Уый разамынд лæвæрдта хибахъахъхъæды штабæн, фæстæдæр ссис хъахъхъæнынады министрады штабы сæргълæууæг.
Тедеты Улифан 32 азы службæ кодта ССРЦ-ы Гарзджын тыхты, иста хорзæхтæ. Уыдонæй иу – "Ӕфсæддон сгуыхтты тыххæй" майдан, кæцы фидар æрцыд ССРЦ-ы Уæлдæр Советы Президиумы барамындæй.
