Бибылты Анатолий радта инӕлары ном Хуссар Иры УУМ сӕргълӕууӕгӕн

Бибылты Анатолий радта инӕлары ном Хуссар Иры УУМ сӕргълӕууӕгӕн

27
(ранӕуӕггонд 11:08 31.05.2018)
Уӕлвӕткон уавӕрты министр Тадтаты Аланӕн радон сӕрмагонд ном раттыны фӕдыл указ бафыста РХИ президент

ЦХИНВАЛ, 31 май — Sputnik. Хуссар Ирыстоны президент Бибылты Анатолий радта инӕлар-майоры ном политикон парти "Иугонд Ирыстон" ӕмӕ УУМ сӕргълӕууӕг Тадтаты Аланӕн, хъусын кӕны паддзахады сӕргълӕууӕджы пресс-службӕ.

Тадтаты Алан райдыдта йӕ службӕ ССРЦ ӕфсады 1988 азы. Куыста Цӕгат Ирыстоны фидауынгӕнӕн тыхты. 1998 азӕй фӕстӕмӕ куыста Хуссар Ирыстоны Мидхъуыддӕгты министрады, цы ран 2000 азӕй фӕстӕмӕ уыд ротӕ "Охрана"-йы командир.

2003-2008 ӕзты куыста фидауынгӕнӕн тыхты, уый фӕстӕ та бацыд Хуссар Ирыстоны УУМ-мӕ. Тадтаты Алан ссис уагдоны сӕргълӕууӕг 2017 азы 25 майы. 2017 азы фӕззӕгӕй фӕстӕмӕ у парти "Иугонд Ирыстоны" сӕргълӕууӕг.

27