Коцты Игорь

Коцты Игорь Сирийы рдыгӕй банымады тыххӕй: уый ӕнӕмӕнг амал нӕ уыд

36
(ранӕуӕггонд 15:57 01.06.2018)
Хуссар Ирыстоны хӕдбардзинад банымайыны фылдӕр куыст бакодта Уӕрӕсе, банысан кодта Коцты Игорь

ЦХИНВАЛ, 1 июн — Sputnik. Сирийы рдыгӕй Хуссар Ирыстоны хӕдбардзинад банымадимӕ фӕзынд ног ахаст нӕ республикӕйы паддзахаддзинадмӕ, загъта парламенты фӕсарӕйнаг политикӕ ӕмӕ парламентты ӕхсӕн бастдзинӕдты комитеты сӕргълӕууӕг Коцты Игорь.

Сири 29 майы фехъусын кодта Хуссар Ирыстон ӕмӕ Абхазы хӕдбардзинад банымайыны тыххӕй. Депутат загъта, ацы цау кӕй у республикӕйы историйы ног къахдзӕф.

"Ацы ӕхсӕнадӕмон къахдзӕфимӕ фӕзынд ног ахаст нӕ паддзахадмӕ. Сириаг Арабаг Республикӕйы банымад у биноныгӕй ахъуыдыгонд акт, кӕцыйы бындуриуӕг кӕны ӕхсӕнадӕмон барадон нормӕтыл", — хъусын кӕны парламенты пресс-службӕ Коцты Игоры ныхӕстӕ.

Депутат банысан кодта, банымады развӕд кӕй уыд егъау куыст, кӕцыйы фылдӕр хай сӕххӕст кодта Уӕрӕсе.

"Банымады фарстытыл ӕрдзырдтой ӕхсӕнпарламентон  ассамблейы фӕстаг рабадты. 2017 азы ноябры мах, Абхаз ӕмӕ Днестргӕрон республикӕйы парламенттимӕ ӕрдзырдтой Сириимӕ ӕмгуыстады фӕдыл", — радзырдта Коцты Игорь.

Уый ныфс ӕвӕры, Сирийы къухдариуӕгады скъуыддзаджы фӕстӕ ӕндӕр бӕстӕтӕ дӕр кӕй банымайдзысты Паддзахад Аланийы хӕдбардзинад.

36