Концерт

Дзæуджыхъæуккаг "Алан" равдисдзæн Кавказы адæмты кæфтытæ Цхинвалы

31
(ранӕуӕггонд 16:31 13.06.2018)
Цæгат Иры сæйраг ансамбль Цхинвалы фæстаг хатт уыд 2016 азы

ЦХИНВАЛ, 13 июн — Sputnik, Плиты Фатимæ. Цæгат Ирыстоны паддзахадон ансамбль "Алан" равдисдзæн Цхинвалы ног концертон программæ, фехъусын кодта Sputnik гастрольты фæдыл ансамблы менеджер Солтанты Хъазбег.

Хуссар Иры аивадуарзджытæм цæгатирыстойнаг ансамблимæ фембæлд æнхъæлмæ кæсы 20 июны.

"Цæгат Ирыстоны паддзахадон ансамбль "Алан" цхинвайлаг кæсæгæн равдисдзæн дыууæсахатон концертон нывæзт дыууæ хайадæй. Концерты кæсджытæн ирон аивадæй дарддæр равдисдзысты кавказаг адæмты кæфтытæ. Мадзал арæзт цæуы Хуссар Ирыстоны паддзахадон ансмабль "Симд"-имæ бадзырды фæлгæтты", — загъта Солтанты Хъазбег.

Уый ма радзырдта, фæззæджы кæй фæнд кæнынц хуссарирыстйнаг ансамбль "Симды" концерт та Дзæуджыхъæуы саразын.

Цæгат Ирыстоны паддзахадон ансамбль "Алан" ацы аз нысан кæны йæ 80 азы юбилей. Ансамбль сырæзт 7 сентябры 1938 азы. 1997 азы уый райста ног статус — "Академион". Ныридæгæн ансамблы аивадон къухдаиуггæнæгæй кусы Тедеты Руслан Сосланы фырт.

31