Хуссар Иры хæххон улæфæндон "Дзедо" æрбакодта йæ дуæрттæ

© FacebookХæххон базæ "Дзедо"
Хæххон базæ Дзедо - Sputnik Хуссар Ирыстон
Рафыссын
Æрæджы улæфæндон райста уæрæсейаг туристты, ныр та æнхъæлмæ кæсынц гимнази "Альбион"-ы ахуырдзаутæм

ЦХИНВАЛ, 14 июн — Sputnik, Плиты Фатимæ. Дзауы районы Хъеуселты комы хæххон фæлладуадзæн лагерь "Дзедо" райдыдта йæ куыст. Базæ райста туристты фыццаг къорды, дыккаг рады та йæ сфæлвардзысты гимнази "Альбион"-ы ахуырдзаутæ, фехъусын кодта Sputnik лагеры хицау Бестауты Бала.

Улæфæн базæ "Дзедо"-йæн йæ бон у æмрæстæджы райсын 25 адæймаджы бæрц, цæрыны аргъ иу адæймагæн лæууы 1500 сомы суткæйы.

"Ивгъуыд къуыри нæм баулæфыдысты уæрæсейаг туристтæ, цалдæр боны дæргъы уыдон фæиппæрд кодтой сæхи горæты тыхзмæлдæй æмæ æвæрд хъæды хъæбысы сæ рæстæг арвыстой. Арæзт сын æрцыд балцытæ уыцы комы фенддаг бынæттæм, се ʻхсæн Леты æхсæрдзæнтæм, Морехы дурæй дзуармæ æмæ Часавалы лæгæттæм", — загъта базæйы хицау.

Бестауты Бала ма радзырдта, ныр та сæхи кæй цæттæ кæнынц гимнази "Альбион"- ы ахуырдзауты райсынмæ.

Улæфты сезон "Дзедо"-йы ахæссы æрæгвæззæджы онг. Ивгъуыд æзты ацы фæлладуадзæн базæйы сæ сæрдыгон каникултæ æрвыстой хуссарирыстойнаг скъоладзаутæ — скъолайон олимпиадæты уæлахиздзаутæ. Фарон базæ æрфысым кодта донецкаг сывæллæтты дæр.

Ног хабӕртты лентӕ
0