Козаты Лира

Цхинвалы бирæпрофилон колледж хоны кусæгон дæсниæдтæ райсынмæ

48
(ранӕуӕггонд 16:25 04.07.2018)
Ног профессийыл сахуыр кæныны фадат ахуыргæнæн уагдон дæтты канд фæсивæдæн нæ, фæлæ ма йæ куыстæй кæй ссæрибар кодтой, уыдонæн дæр

ЦХИНВАЛ, 4 июл — Sputnik. Цхинвалы бирæпрофилон колледжы цыппæрæмы, 5 июлы йæ куыст райдайдзæн исæн къамис. Ахуырадон уагдон фæсивæдæй дарддæр фадат дæтты, йæ куысты бынат чи фесæфта, ахæм категоритæн дæр ног кусæгон дæсныйад райсынæн, фехъусын кодта Sputnik колледжы директор Козаты Лира.

Цхинвалы бирæпрофилон колледж цыбыр рӕстӕгмӕ ссис нырыккон царды ӕнӕмӕнгхъӕуӕг специалистты цӕттӕгӕнӕн центр. Ам 9-ӕм къласы, науӕд та скъолайы фӕуды фӕстӕ равзарӕн ис дӕсгай дӕсниӕдтӕй. Колледжы архайы аразӕджы, хуыйӕджы, хӕринаггæнӕджы, агрономы, туризм, парикмахер ӕмӕ бирӕ ӕндӕр факультеттӕ. 

"Фарастæм кълас чи фæцис, уыдонæй райдай æмæ 45-аздзыдты онг сæ бон у æмæ æрбавдисой сæ гæххæттытæ колледжмæ. Мах архайæм адæмæн професси райсынæн баххуыс кæнын. Стæй ма куыстыл хæст чи у, уыдонмæ дæр нæ разыны æмбæлон ахуырад — зæгъæм, æфсапъæтæй бирæтæ кусынц æнæ дипломтæй. Мах нысан ис уый мидæг, æмæ адæмæн æххуыс кæнæм хъæугæ дæсниæдтыл ныххæцын", — загъта директор

Уый ма банысан кодта, ныры дуджы сæ бынæттæй сæрибар кæй цæуынц бирæтæ, уыдонæн фадат ис колледжы фæрцы ног професси сахуыр кæнын.

Цхинвалы раздæры хъæууонхæдзарадон техникум 2009 азы рацæрæзтой бирæпрофилон колледжмæ.

48