Бибылты Анатолий райста Фӕсарӕйнаг хъуыддӕгты министрады (ФХМ) минӕвары Бразилийы Тибылты Андрейы

Бибылты Анатолий Цхинвалы минӕварӕн Бразилийы: куысты фронт у егъау

25
(ранӕуӕггонд 15:23 05.07.2018)
Хуссарирыстойнаг республикӕйы президент банысан кодта, зӕгъгӕ, РХИ фӕсарӕйнаг хъуыддӕгты министрады минӕвӕртты куыст баххуыс кӕндзӕн сӕххӕст кӕнын сӕрмагонд ӕнтыстытӕ ӕмӕ фӕстиуджытӕ

ЦХИНВАЛ, 5 июл — Sputnik. Хуссар Ирыстоны президент Бибылты Анатолий райста фӕсарӕйнаг хъуыддӕгты министрады (ФХМ) минӕвар Бразилийы Тыбылты Андрейы, хъусын кӕны РХИ сӕргълӕууӕджы пресс-службӕ.

Паддзахады сӕргълӕууӕг стыр аргъ скодта дипломаты куыстӕн ӕмӕ бахахх кодта, йӕ куыст ӕнӕмӕнг кӕй ӕрхӕсдзӕн бӕрӕг фӕстиуджытӕ.

"Нӕ къахдзӕфтӕ ӕмӕ ӕвӕрд нысӕнттӕ фӕстагмӕ ӕрхӕсдзысты хорз фӕстиуджытӕ. Латинаг Америкӕйы куысты фронт у егъау. Хъӕуы ӕххӕст кӕнын фӕсарӕйнаг политикӕйы курс. Ӕмӕ мӕн уырны, махӕн ӕнӕмӕнг бирӕ кӕй бантысдзӕн. Стыр ныфс дыл ӕвӕрын", — банысан кодта президент.

Тыбылты Андрей загъта бузныджы ныхӕстӕ президентӕн йе 'ууӕнчы тыххӕй ӕмӕ бафтыдта, зӕгъгӕ, сараздзӕн алцыдӕр, цӕмӕй Латинаг Америкӕ фылдӕр базона Хуссар Ирыстоны тыххӕй.

25