Фыдгӕнӕг

Знауыры районы нозтджын цӕрӕг фӕнадта йӕ зӕронд мады

17
(ранӕуӕггонд 11:21 01.08.2018)
Сылгоймаджы хъуыд медицинон ӕххуыс ӕмӕ йӕ аластой Цхинвалмӕ республикон соматикон рынчындонмӕ

ЦХИНВАЛ, 1 авг — Sputnik. Хуссар Ирыстоны Знауыры районы цӕрӕджы сбадын кодтой дӕс бонмӕ ахӕстоны йӕ мады кӕй фӕнадта, уый тыххӕй, хъусын кӕны Мидхъуыддӕгты министрады (МХМ) пресс-службӕ.

Знауыры районы Цънелисы хъӕуы 43-аздзыд нӕлгоймаг йӕ мады кӕй фӕнадта, уый тыххӕй хъусинаг районы мидхъуыддӕгты хайадмӕ бацыд июлы кӕрӕтты.

"Цауы бынатмӕ ацыд Знауыры милицийы оперативон къорд, кӕцы сбӕрӕг кодта, хъӕуы цӕрӕг нозтджынӕй кӕй фӕнадта йӕ 78-аздзыд мады. Уый фӕстиуӕгӕн сылгоймаджы аластой республикон соматикон рынчындонмӕ буары цӕфтимӕ", — радзырдтой МХМ.

Знауыры районон тӕрхондон рахаста уынаффӕ, цӕмӕй нозтджын фыдгӕнӕджы сбадын кӕной ахӕстоны дӕс бонмӕ.

17