Хӕлардзинады маяк ногӕй ссудздзысты Хуссар Иры

"Хӕлардзинады маяк" ногӕй ссудздзысты Хуссар Иры

22
(ранӕуӕггонд 11:16 03.08.2018)
Республикӕмӕ проект "Хӕлардзинады маяк. Уӕрӕсе хӕстӕг кӕны"-2018 фӕлгӕтты ӕрцӕудзӕн ӕвзонг адӕмы къорд Мӕскуы, Чебоксары ӕмӕ Казанӕй

ЦХИНВАЛ, 3 авг — Sputnik. Хуссар Ирыстон ногӕй райсдзӕн волонтерон проект "Хӕлардзинады маяк. Уӕрӕсе хӕстӕг кӕны"-2018 хайадисджыты.  Къорд 15 адӕймаджы скондӕй ӕрцӕудзӕн Хуссар Ирыстонмӕ 3-9 августы — уыдон хайад исдзысты алыгъуызон волонтерон куыстыты, цӕмӕй истори ӕмӕ культурӕйы цыртытӕ бавӕрой ӕмӕ сцалцӕг кӕной. Афтӕ ма хайадисджытӕн сараздзысты культурон программӕ дӕр, кӕцыйы фӕлгӕтты уыдзысты экскурситӕ, цымыдисон адӕмимӕ фембӕлдтӕ ӕмӕ мастер-класстӕ.

"Проекты фӕлгӕтты йӕ хайадисджытӕ ацӕудзысты сӕрдыгон улӕфты бонты ӕртӕэтапон экспедицийы Кавказ ӕмӕ Волгагӕронмӕ, афтӕ ма хайад райсдзысты алыгъуызон архайдты", — банысан кодта проекты пресс-атташе Хуссар Ирыстоны Анастасия Денисова.

Абон Мӕскуыйы "Эрмитаж"-ы уагъд ӕрцыд проекты баконды бӕрӕгбонон церемони, кӕцыйы хайад райста проекты автор Руслан Гусаров. Мадзалы фӕстӕ волонтерты къорд атахтысты Кавказы алыгъуызон регионтӕм.

"Хӕлардзинады маяк. Уӕрӕсе хӕстӕг кӕны"-2018 хайад исынц Цӕгат Кавказ, Волгагӕрон ӕмӕ Калмыкы республикӕтӕ, афтӕ ма Хуссар Ирыстон ӕмӕ Абхаз дӕр. Иумӕйагӕй проект ӕрӕмбырд кодта 120 волонтеры — мӕскуыйаг университеттты студенттӕ, афтӕ ма хайадисӕг республикӕты фӕсивӕды минӕвӕрттӕ дӕр.

"Хӕлардзинады маяк. Уӕрӕсе хӕстӕг кӕны"-2018 у традицион волонтерон проект "Кавказы мӕсгуыты" уӕрӕх верси. Информацион агентад ӕмӕ радио Sputnik Хуссар Ирыстон уыдзӕн ӕхсӕнадӕмон фӕсивӕдон культурон-историкон проект "Хӕлардзинады маяк. Уӕрӕсе хӕстӕг кӕны"-2018 информацион ӕмбал.

22