Рынчындон

Хуссар Иры ссардтой Таджикистаны ӕмбӕстаджы мӕрдон буар

14
(ранӕуӕггонд 11:31 10.08.2018)
Фӕдагурджытӕ сбӕрӕг кодтой нӕлгоймаджы гоймаг, кӕцыйы мӕрдон буар ссардтой Хуссар Ирыстоны столицӕйы Козонты Сардионы уынгыл

ЦХИНВАЛ, 10 авг — Sputnik. Цхинвалы Мидхъуыддӕгты хайадмӕ цыппӕрӕмы ӕрбацыд хъусинаг ӕбӕрӕг нӕлгоймаджы мӕрдон буар кӕй ссардтой, уый тыххӕй. Цауы бынатмӕ ацыдысты Хуссар Ирыстоны Мидхъуыддӕгты министрады (МХМ) оперативон-фӕдагуырды къорд ӕмӕ Генералон прокуратурӕйы фӕдагурӕг.

"Цауы бынатмӕ куы ӕрбацыдысты, уӕд сбӕрӕг кодтой нӕлгоймаг кӕй уыд Республикӕ Таджикистаны 42-аздзыд ӕмбӕстаг, кӕцы рӕстӕгмӕ цард Цхинвалы Козонты Сардионы уынгыл", — дзырдӕуы МХМ хъусинаджы.

Цауы бынат федта Генералон прокуратурӕйы радгӕс фӕдагурӕг. Басгӕрст уадзы Цхинвалы мидхъуыддӕгты хайад.

14