УУМ аскъуыддзаг кодта сӕхгӕнын Цхинвалы скъолатӕй иу

© Sputnik / Наталья АйриянСкъола №3
Скъола №3 - Sputnik Хуссар Ирыстон
Рафыссын
Зынгирвӕзты ӕдасдзинады фӕдыл басгӕрсты рӕстӕджы цхинвайлаг скъолатӕй иу банымадтой ӕнӕбӕззоныл ахуырадон азы райдайӕнмӕ

ЦХИНВАЛ, 31 авг — Sputnik, Уалыты Диана. Цхинвалы ӕртыккаг астӕуккаг скъола гӕнӕн ис сӕхгӕной. Уый тыххӕй фехъусын кодтой Уӕлвӕткон уавӕрты министрады (УУМ) кусджытӕ пресс-конференцийы рӕстӕджы.

1 сентябрь Хуссар Ирыстоны - Sputnik Хуссар Ирыстон
Фыццагкъласонтӕ фылдӕр кӕнынц: Хуссар Иры ахуырады министрад ног ахуыры азы тыххӕй

"Къамисы аргълӕвӕрдмӕ гӕсгӕ, кӕцыйы сконды уыдысты УУМ кусджытӕ, рахастой уынаффӕ, цӕмӕй сӕхгӕной ӕртыккаг скъола ӕмӕ ахуырдзауты ракӕной 12-ӕм скъоламӕ арӕзтады ӕмӕ зынгирвӕзты ӕдасдзинады нормӕтӕн дзуапп кӕй нӕ дӕтты, уый тыххӕй", — загъта уагдоны инспектор Куымӕридтаты Андрей.

Ныртӕккӕ басгӕрсты фӕстиуӕгӕн акттӕ бадӕттой республикӕйы ахуырады министрадмӕ.

Ахуырадон азы размӕ республикӕйы алкӕцы скъолайы дӕр, Ленингоры районы скъолайӕ дарддӕр, ауагътой басгӕрст. Уый фӕстиуӕгӕн УУМ инспектортӕ рахастой уынаффӕ, зӕгъгӕ, Хуссар Ирыстоны скъолатӕй иу дӕр нӕу ӕмбӕлон зынгирвӕзты ӕдасдзинады фӕтктӕн.

Басгӕрст Ленингоры уагъд ӕрцӕудзӕн къуырисӕры, ӕртыккӕгӕм сентябры.

Ног хабӕртты лентӕ
0