Хуызист ӕмӕ уазныв: Хуссар Иры национ музейы равӕрдтой Хетӕгкаты Къостайы куыстытӕ

© Sputnik / Наталья АйриянКъостайы номыл равдыст РХИ музейы
Къостайы номыл равдыст РХИ музейы - Sputnik Хуссар Ирыстон
Рафыссын
Уазджытӕн сӕ бон уыдзӕн фенын ирон литературон ӕвзаджы бындурӕвӕрӕджы дыууӕ куысты - "Портрет А. Поповой" ӕмӕ "Спас Нерукотворный"

ЦХИНВАЛ, 3 сен — Sputnik. Номдзыд ирон поэт Хетӕгкаты Къостайы куыстытӕ фыццаг хатт равдыстой Хуссар Ирыстоны Национ музейы, хъусын кӕны РХИ хицауады пресс-службӕ.

Президент Южной Осетии передал Нацмузею новые экспонаты - Sputnik Хуссар Ирыстон
Бибылты Анатолий радта Национ музейӕн ног экспонаттӕ

Амӕйразмӕ музейы фӕзынд цалдӕр ног хайады, уыдон бакодтой Хуссар Ирыстоны хӕдбардзинады банымадыл 10 азы сӕххӕсты цытӕн.

"Ирон литературон ӕвзаджы бындурӕвӕрӕг Хетӕгкаты Къоста зындгонд у куыд курдиатджын нывгӕнӕг ӕмӕ уазнывгӕнӕг. Фыццаг хатт музейы агъуысты равдыстой ӕцӕг хӕзнатӕ: националон генийы куыстытӕ — "Портрет А. Поповой" ӕмӕ "Спас Нерукотворный", — радзырдта музейы директор Зассеты Мераб.

Йӕ ныхӕстӕм гӕсгӕ, цӕмӕй ног экспозицитӕ юбилеймӕ баконд ӕрцыдаиккой, уый тыххӕй музейы коллектив егъау куыст бакодта.

"Дыкккаг уӕладзыджы залы хайадтӕм ма бафтыдтам цыппар, сӕйраджыдӕр, Хуссар Ирыстоны истори революцийы размӕ ӕмӕ йӕ фӕстӕ, спорты сгуыхтдзинӕдтӕн нывонд, афтӕ ма дзы фӕзынд хайад, кӕцы у нывонд Хетӕгкаты Къостайӕн, стӕй президенты лӕвӕртты хайад. Тагъд рӕстӕджы ӕрбацӕуджытӕ фендзысты советон стилы хатӕн", — банысан кодта Зассеты Мераб.

Уый банысан кодта, азы райдайӕнӕй музеймӕ ӕрбацӕуджыты нымӕц кӕй у авд мины. Уӕлдай бирӕ адӕм ӕрбацыд Ӕппӕтирон уанел ӕмӕ РХИ Хӕдбардзинады банымады бон.

Ног хабӕртты лентӕ
0