Хуссар Иры милици рахызт службӕйы фӕтыхджындӕргонд режиммӕ

Хуссар Иры милици рахызт службӕйы фӕтыхджындӕргонд режиммӕ

14
(ранӕуӕггонд 11:21 04.09.2018)
Ӕдасдзинады мадзӕлтты фӕтыхджындӕр баст у ног ахуыры азы райдайӕнмӕ

ЦХИНВАЛ, 4 сен — Sputnik. Хуссар Ирыстоны Мидхъуыддӕгты министрады (МХМ) хисӕрмагонд къорды дыццӕгӕй ракондӕуыд службӕ хӕссыны фӕтыхджындӕргонд режиммӕ. Ӕдасдзинады мадзӕлтты фӕтыхджындӕр баст у ног ахуыры азы райдианимӕ, хъусын кӕны МХМ пресс-службӕ.

"Барадхъахъхъӕнджытӕ уадзынц къорд мадзалы, кӕцытӕ здӕхт сты скъолаты цытджын линейкӕты рӕстӕджы ӕхсӕнадон фӕтк бахъахъхъӕнынмӕ. Милицийы сӕрмагонд нысаниуӕджы къорды инженерон-саперон хайады кусджытӕ сгарынц скъолатӕ ӕмӕ сӕ алыварс территоритӕ сӕрмагонд техникон фӕрӕзты ӕмӕ кусӕгон куыйты руаджы. Ист цӕуынц мадзӕлттӕ фӕндагон ӕдасдзинад хъахъхъӕныны фӕдыл дӕр", — дзырдӕуы МХМ хъусинаджы.

Ахуырадон аз Хуссар Ирыстоны скъолаты райдайдзӕн 5 сентябры. Хуссар Ирыстоны президент Бибылты Анатолий бафыста барамынд, цӕмӕй ахӕссой ахуыры азы райдайӕны датӕ Бесланы трагедийы тыххӕй.

Республикӕйы скъолатӕм бацӕудзӕн 6,6 минӕй фылдӕр ахуырдзауы, уыдонӕй 800 сты фыццагкъласонтӕ.

14