Бибылты Анатолий Зонындзинӕдты боны тыххӕй: стыр ӕмӕ ирд ныфсты бӕрӕгбон

© Sputnik / Наталья Айриян1 сентябрь Куайсайы
1 сентябрь Куайсайы - Sputnik Хуссар Ирыстон
Рафыссын
Хуссар Ирыстоны президент раарфӕ кодта скъоладзаутӕн Зонындзинӕдты боны цытӕн

ЦХИНВАЛ, 5 сен — Sputnik. Зонындзинӕдты бон у бӕрӕгбон, ӕнӕ кӕцыйӕ Хуссар Ирыстонӕн нӕй гӕнӕн аразын йӕ фидӕн, дзырдӕуы президент Бибылты Анатолийы арфӕйы ахуыры азы райдайӕны цытӕн.

"Ацы нысаниуӕгджын бон мӕ фӕнды раарфӕ кӕнын нӕ фыццагкъласонтӕн, кӕцытӕ фыццаг хатт цӕуынц скъолатӕм, рауагъдонтӕн, кӕцытӕ фӕуд кӕнынц сӕ ахуыр, афтӕ ма ахуырдзаутӕн, кӕцытӕ ацы аз схиздзысты ахуыры ног ӕмвӕзадмӕ", — радӕтта президенты ныхӕстӕ йӕ пресс-службӕ.

Бибылты Анатолий загъта бузныг ахуыргӕнджытӕн сӕ фыдӕбоны ӕмӕ зонындзинӕдты тыххӕй, кӕцытӕ уыдон рӕдауӕй дӕттынц сывӕллӕттӕн.

День знаний - Sputnik Хуссар Ирыстон
Зонындзинӕдты бон: Хуссар Иры райдыдта ахуыры аз

"Нӕ рауагъдонтӕ ӕвдисынц егъау фӕстиуджытӕ ӕрмӕст республикон нӕ, фӕлӕ ма ӕхсӕнадӕмон олимпиадӕты дӕр. Уыдон бацӕуынц Уӕрӕсейы Федераци ӕмӕ ӕндӕр бӕстӕты ахуыргӕнӕндӕттӕм. Сымахыл, нӕ цытджын ахуыргӕнджытыл, баст у нӕ сывӕллӕтты сомбон, куыд ӕнтыстджын уыдзысты ӕмӕ цахӕм хайбавӕрд бахӕссдзысты нӕ республикӕйы райрӕзтмӕ", — бахахх кодта президент.

Уый баныфсӕвӕрдта, ацы аз кӕй уыдзӕн ахуырдзаутӕ ӕмӕ сӕ ахуыргӕнджытӕн ахсджиаг цаутимӕ ӕмӕ егъау ӕнтыстытимӕ аз.

"Ацы диссаджы бон уӕт фыццагкъласонтӕ, рауагъдонтӕ, ахуырдзаутӕ, ахуыргӕнджытӕ ӕмӕ ныййарджытӕн ӕрмӕст Зонындзинӕдты бон нӕ, фӕлӕ ма стыр ӕмӕ ирд ныфсыты бӕрӕгбон дӕр", — банысан кодта президент.

Ацы аз ахуыр райдыдта цалдӕр бон фӕстӕдӕр — республикӕйы президент бафыста указ, цӕмӕй Зонындзинӕдты бон ахӕссой 1-ӕй 5-ӕм сентябрьмӕ Беслӕны трагедийы афӕдзы боны тыххӕй

Ахуыр райдыдта 53 скъолайы, уыдонмӕ бацыдысты 6,6 мин скъоладзауы, кӕцытӕй 800 сты фыццагкъласонтӕ. Афтӕ ма ахуыр райдыдта ХИПУ, бирӕпрофилон колледж, музыкалон ӕмӕ аивадон ахуыргӕнӕндӕтты ӕмӕ дыууӕ музыкалон скъолайы.

Ног хабӕртты лентӕ
0