Дзæгъиаты Милана

Миланайы тыххæй: Хуссар æмæ Цæгат Иры рэпертæ хонынц хæрзаудæн концертмæ

25
(ранӕуӕггонд 12:19 06.09.2018)
12-аздзыд чызг у уæззау рынчын, хъæуы йын саразын зынаргъ операци, кæцыйæн фæрæзтæ нæ фаг кæны

ЦХИНВАЛ, 6 сен — Sputnik, Плиты Фатимæ. Хуссар æмæ Цæгат Ирыстоны музыкантты хайадистæй Цхинвалы ацæудзæн хæрзаудæн концерт "Две стороны", йæ фæрæзтæ здæхт æрцæудзысты чысыл рынчын чызг Дзæгъиаты Миланæйы хоскæнынадæн, фехъусын кодтой Sputnik Спорт, туризм æмæ фæсивæдон политикæйы комитеты пресс-службæйы.

Æрæджы ма Цхинвалы фонд "Подари крылья" ауагъта акци æмæ хæрзаудæн концерт, фæлæ чызгæн хоскæнынæн хъæуы зынгæ фылдæр фæрæзтæ.

"Хæрзаудæн концерт "Две стороны" рынчын чызг Дзæгъиаты Миланайы фарсмæ балæууыны охыл ацæудзæн майрæмбоны, ПККЗ "Чермен"-ы. Архайдзысты дзы рэп-музыканттæ Хуссар æмæ Цæгат Ирыстонæй. Чызджы хъæуы саразын зынаргъ операци Израилы æмæ уый фæстæ та дæргъвæтин реабилитаци", — радзырдта Софа Исаакян.

Концерт "Две стороны" аразы рэп-группæ "Южный округ" Хуссар Ирыстоны Спорт, туризм æмæ фæсивæдон политикæйы комитеты æмархайдæй.

25