РХИ хицауад

Хицауады ӕрдзырдтой Хуссар Ир ӕмӕ Газпромы ӕхсӕн мадзӕлтты нывӕзты фӕдыл

7
(ранӕуӕггонд 16:13 11.09.2018)
Уӕрӕсе ӕмӕ Хуссар Ирыстоны хицауадтӕ дарддӕр дӕр кусынц амалиуӕгад "Газпром-Хуссар Ирыстоны " дарддӕры архайды фӕдыл бадзырды реализацийыл

ЦХИНВАЛ, 11 сен — Sputnik. "Газпром" ӕмӕ Хуссар Ирыстоны хицауады ӕхсӕн бадзырды реализацийы фӕдыл хуссарирыстойнаг кусӕгон къорды рабадты рӕстӕджы ӕрдзырдтой республикӕйы газифтонгады мадзӕлттыл. Уый тыххӕй фехъусын кодта хицауады пресс-службӕ.

Рабадт ацыд сӕудӕджерад, транспорт ӕмӕ энергетикӕйы комитеты сӕрдар Бекъойты Геннадийы сӕргълӕудӕй. Йӕ хайадисджытӕ ӕрдзырдтой мадзӕлтты нывӕзтыл, кӕцытӕ сфидар кодтой республикӕйы хицауады сӕрдар Пухаты Эрик ӕмӕ "Газпром"-ы сӕргълӕууӕджы хӕдивӕг Валерий Голубевы фембӕлды рӕстӕджы.

"Нӕ хӕслӕвӕрд у районты газифтонгад. Ныртӕккӕ цӕттӕ кӕнӕм техникон документаци. Уӕрӕсейаг коллегӕтимӕ хъӕуы бакусын республикӕйы районты газы хӕтӕлты райрӕзты фарстытыл", — загъта Бекъойты Геннадий.

Уый банысан кодта, зӕгъгӕ, газы инфраструктурӕйы арӕзтад райдайдзӕн 2019 азы.

Афтӕ ма Бекъойты Геннадий фехъусын кодта, 14 сентябры кӕй уыдзӕн уӕрӕсейаг ӕмӕ хуссарирыстойнаг кусӕгон къордты иумӕйаг рабадт.

7