Къӕрных

Цхинвайлаг сылгоймагӕй адавтой ӕхца ӕмӕ хӕзнатӕ

4
(ранӕуӕггонд 14:00 01.10.2018)
МХМ кусджытӕ уадзынц сгарӕн мадзӕлттӕ, цӕмӕй сбӕрӕг кӕной фыдракӕнды ӕууӕлтӕ

ЦХИНВАЛ, 1 окт — Sputnik. Мидхъуыддӕгты министрады Фӕдагуырды хайады кусджытӕ бакодтой уголовон хъуыддаг Цхинвалы цӕрӕг сылгоймаджы фатерӕй ӕхцайы фӕрӕзтӕ ӕмӕ ювелирон фӕлындӕнтӕ адавыны фӕдыл, фехъусын кодтой республикӕйы МХМ пресс-службӕйы.

"Уголовон хъуыддаджы ӕрмӕджытӕм гӕсгӕ, 24 сентябры ӕбӕрӕг гоймӕгтӕ бахызтысты Цхинвалы цӕрӕг сылгоймаджы хӕдзармӕ, адавтой ӕхцайы фӕрӕзтӕ цыппар мин сомы, афтӕ ма сыгъзӕрин ӕмӕ ӕвзист фӕлындӕнтӕ дӕр", — банысан кодтой пресс-службӕйы.

Оперативон-сгарӕн мадзӕлттӕ фыдгӕнджыты сбӕрӕг кӕныны фӕдыл уадзынц Цхинвалы мидхъуыддӕгты хайад ӕмӕ МХМ криминалон милицийы уголовон фӕдагуырды хайады кусджытӕ.

4