ЦХИНВАЛ, 2 окт — Sputnik. Уӕрӕсейаг ӕфсӕддонтӕ Хуссар Ирыстоны спайда кӕндзысты хӕсты ног уавӕртӕ ӕмӕ формӕтӕй егъау ахуырты Уӕрӕсейы хуссары, хъусын кӕны РИА Новости. Афтӕ ма ӕфсӕддонтӕ спайда кӕндзысты Сирийы хӕсты фӕлтӕрддзинадӕй, банысан кодта Хуссар федералон зылды ӕфсады командӕгӕнӕг инӕлар-булкъон Александр Дворников.
"Ӕфсӕддон зылды сӕйраг тыхтӕ хайад исынц ахуырон мадзӕлтты. Ацы ахуырты спайда кӕндзысты хӕсты ног формӕтӕ ӕмӕ уавӕртӕй, сӕйраджыдӕр, Сирийы райсгӕ фӕлтӕрддзинадӕй", — загъта Александр Дворников.
Къуырисӕры Хуссар федералон зылды 49-ӕм ӕмӕ 58-ӕм ӕфсӕдты, кӕцытӕ сты Хуссар Ирыстон, Ставрополь, Кубань, Дагестан ӕмӕ Цӕгат Ирыстоны ӕфсӕддон базӕты, сыстын кодтой фӕдисы.
Ахуырты хайад исынц 8,5 ӕфсӕддоны ӕмӕ техникӕйы 2 мин иуӕджы.
