Пассажирон автобус бахаудта аварийы Цӕгат Иры

Ӕхсӕвыгон ФТЦ: пассажирон автобус бахауд аварийы Цӕгат Иры

9
(ранӕуӕггонд 13:59 05.10.2018)
Барадхъахъхъӕнӕг органты информацимӕ гӕсгӕ, аварийы фӕстиуӕгӕн республикӕйы зиан баййӕфтой фондз адӕймаджы

ЦХИНВАЛ, 5 окт — Sputnik. Цӕгат Ирыстоны цӕрӕн пункт Дӕллаг Ларсы дысон, 2.30 сахатыл пассажирон хӕдтулгӕ Форд "Транзит" сӕмбӕлд уӕзласӕн КАМАЗ-имӕ, кӕцы лӕууыд фӕндаггӕрон. Афтӕ ма аварийы рӕстӕджы зиан баййӕфта хӕдтулгӕ Опель "Астра", кӕцыйыл аварийы фӕстиуӕгӕн сӕмбӕлд КАМАЗ. Уый тыххӕй фехъусын кодта республикӕйы Уӕлвӕткон уавӕрты министрады (УУМ) пресс-службӕ.

"Фӕндагон-транспортон цауы фӕстиуӕгӕн ис зианбаййафджытӕ", — бафтыдтой уагдоны.

Аварийы зиан баййӕфтой фондз адӕймаджы — иууылдӕр сӕ аластой республикон рынчындонмӕ алыгъуызон цӕфтимӕ, фехъусын кодта 15-Регион Цӕгат Ирыстоны Мидхъуыддӕгты министрады ныхӕстӕ.

9