Цхинвалы ацыд Ахуыргӕнӕджы бонӕн нывонд бӕрӕгбонон концерт

Цхинвалы ацыд Ахуыргӕнӕджы бонӕн нывонд бӕрӕгбонон концерт

6
(ранӕуӕггонд 12:37 10.10.2018)
Мадзалы уыдысты республикӕйы хицауады сӕрдар Пухаты Эрик ӕмӕ парламенты спикер Гасситы Петр

ЦХИНВАЛ, 10 окт — Sputnik. Хуссар Ирыстоны столицӕйы ПККЗ "Чермен"-ы ацыд бӕрӕгбонон концерт, кӕцы уыд нывонд Ахуыргӕнӕджы бонӕн. Мадзалмӕ фӕуазӕг сты хицауады сӕрдар Пухаты Эрик ӕмӕ парламенты спикер Гасситы Петр.

Пухаты Эрик банысан кодта ахуыргӕнджыты стыр хайбавӕрд рӕзгӕ фӕлтӕры хъомылады, хъусын кӕны хицауады пресс-службӕ. Хицауады сӕрдар бафтыдта, зӕгъгӕ, тынг хорз зоны ахуыргӕнӕджы куысты зындзинӕдтӕ, уый тыххӕй ӕмӕ йӕхӕдӕг дӕр у республикӕйы ахуыргӕнджыты ӕхсӕнады минӕвар.

"Ӕз фӕкуыстон Дменисы скъолайы ӕртӕ азы, уый фӕстӕ та ӕндӕр ахуыргӕнӕндӕтты, ӕмӕ мӕ бон у зӕгъын, мӕхӕдӕг дӕр кӕй бавзӕрстон ахуыргӕнӕджы куысты зындзинӕдтӕ. Абон республикӕйы ахуыргӕнджытӕ архайынц куыд традицион, афтӕ ма ног ахуырады методтӕй дӕр, ӕмӕ уый разынд нӕ ахуыргӕнинӕгты хорз фӕстиуджытыл олимпиадӕтӕ ӕмӕ алыгъуызон конкурсты", — бахахх кодта Пухаты Эрик.

Афтӕ ма уый бафтыдта, республикӕйы алы уавӕр дӕр кӕй сараздзысты ахуыргӕнджыты профессионалон райрӕзты тыххӕй.

Мадзалы кӕрон Гасситы Петр схорзӕхджын кодта РХИ парламенты Кадджын грамотӕтӕй ахуырады хайады методикон кабинеты гӕс Гӕбӕраты Жанна, ахуырады министры фыццаг хӕдивӕг Гаглойты Элиса ӕмӕ ахуырад, зонад ӕмӕ фӕсивӕдон политикӕйы министрады хъусдарды хайады хистӕр Дзеранты Мухары, хъусын кӕны парламенты пресс-службӕ.

6