Хъотайты Мария

Хъотайты Мария: Хуссар Иры уӕлбар кредит райсын ссис ӕнцондӕр

15
(ранӕуӕггонд 15:28 19.10.2018)
Информаци ӕмӕ мыхуыры паддзахадон комитеты сӕргълӕууӕг радзырдта, куыд фӕивта уӕлбар кредиткӕнынады программӕ чысыл амалиуӕгадтӕн

ЦХИНВАЛ, 19 окт — Sputnik, Гӕбӕраты Ян. Уӕлбар кредиткӕнынад ӕххуыс кӕны бӕстӕйы экономикӕ фидар кӕнынӕн ӕмӕ дӕтты фадат бизнесментӕн сӕ хъуыддаг аразын, фехъусын кодта Sputnik пресс-центры радон брифингы рӕстӕджы информаци ӕмӕ мыхуыры паддзахадон комитеты сӕргълӕууӕг Хъотайты Мария.

Фарон ноябры Хуссар Ирыстоны президент Бибылты Анатолий ӕмӕ Уӕрӕсейы президент Владимир Путины фембӕлды рӕстӕджы бафытӕуыд бадзырд, цӕмӕй Уӕрӕсе рахицӕн кӕна милиард сом бӕстӕйы хъӕууон хӕдзарады ӕххуысӕн.

"Абоны бон уӕлбар кредиттӕ райстой 150 ӕмбӕстагӕй 50. Гӕнӕн ис ӕмӕ 400 мин сом фӕкӕса чысыл суммӕ, фӕлӕ нӕ амалиуӕггӕнджытӕн уый у ӕцӕг ӕххуыс, уый тыххӕй ӕмӕ раздӕр фермертӕ сӕ бизнес арӕзтой ӕрмӕст дӕр сӕхи тыхтӕй", — загъта Хъотайты Мария.

Уӕлбар кредиттӕ дӕттынц ӕртӕ азмӕ, афтӕ ма фыццаг ӕрдӕг, кӕнӕ ӕнӕхъӕн аз ӕмбӕстӕгтӕ вӕййынц сӕрибар фидынӕй.

Информацион уагдоны сӕргълӕууӕг бафтыдта, зӕгъгӕ, паддзахад сӕххӕст кодта йӕ хӕслӕвӕрд уӕлбар кредиткӕнынады фадыджы ӕмӕ дарддӕр та фылдӕр кӕндзӕн экономикон ӕххуыс чысыл амалиуӕгадӕн.

15
Ерман

Ног маршрут: Хуссар Иры альпинисттӕ схиздзысты Хъӕдласӕны хохмӕ

7
(ранӕуӕггонд 11:51 22.10.2020)
Къорд ивгъуыд къуыри та ӕрыздӕхт Бурхохӕй, Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы

ЦХИНВАЛ, 22 окт - Sputnik, Плиты Фатимӕ. Хуссар Ирыстоны альпинистты къорд схиздзӕн Дзауы районы Хъӕдласӕны хохы бӕрзӕнмӕ, фехъусын кодта Sputnik балцгӕнджытӕй иу Багаты Марат.

Къорд ивгъуыд къуыри та ӕрыздӕхт Бурхохӕй, Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы. 

"Хъӕдласӕн хохмӕ никуыма ахызтыстӕм, нымад цӕуы зынвадатыл. Ис Ерманы хъӕуы сӕрмӕ галиу фарс. Нӕ планмӕ гӕсгӕ хъуамӕ афӕндараст уӕм майрӕмбоны ӕмӕ хуыцаубоны фӕстӕмӕ сӕмбӕлӕм нӕ хӕдзӕрттыл.  Йӕ бӕрзӕндыл ӕрсадздзыстӕм ирон тырыса", - загъта Марат.

Альпинист банысан кодта, Хъӕдласӕнмӕ уӕлӕмӕ сцыд кӕй ахсы ӕхсӕз сахатмӕ ӕввахс, фӕстӕмӕ та - цыппар.

7
Цхинвалы сӕйраг фонтаны фӕлвӕрдон скуыст

Театралон фӕзуатыл ауагътой Цхинвалы сӕйраг фонтаны фӕлвӕрдон скуыст

6
(ранӕуӕггонд 10:37 22.10.2020)
Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой

ЦХИНВАЛ, 22 окт — Sputnik, Гӕбӕраты Элина. Хуссар Ирыстоны столицӕйы сӕйраг фӕзуатыл ауагътой фӕлвӕрдон скуыст республикӕйы иууыл егъаудӕр фонтанӕн.

Фонтаны арӕзтадӕн ис рагон истори. Фӕстаг хатт фонтан нывӕдысты раттын эксплуатацимӕ ацы аз уалдзӕджы, фӕлӕ уӕд специалисттӕн нӕ бантыст ӕрцӕуын республикӕмӕ карантины тыххӕй.

Ныртӕккӕ куыстытыл архайынц фирмӕ ООО "Про-Микс"-ы специалисттӕ, кӕцытӕ сарӕзтой бирӕ фонтантӕ Цӕгат Кавказы.

"Куыстытӕн фестӕм сӕ 98 проценты. Фонтаны скуыст у зын процесс. Куыстыты кӕронбӕттӕн этап цӕудзӕн дыууӕ къуырийы дӕргъы, мӕйы кӕронмӕ нывӕндӕм ауадзын фонтаны фӕлварӕн скуыст", - фехъусын кодта Sputnik фирмӕйы разамонӕг Евгений Иванидзе.

Уый ма банысан кодта, ныры куыстытӕ баст кӕй сты ифтоггарз компьютеры программӕтимӕ баиу кӕнынимӕ.

Знон изӕры ацыд фонтаны тестон скуыст. Цхинвалы цӕрджыты зӕрдиагӕй кастысты фонтаны рӕсугъддзинӕдтӕм.

"Нӕ мӕ уырны, кӕй банхъӕлмӕ кастыстӕм фонтаны скуыстмӕ. Бирӕ проблемӕтӕ уыд, фӕлӕ ныр фӕзуат сфӕлындзӕн фонтанӕй", - радзырдта Sputnik столицӕйы цӕрӕг Александр.

Фонтан хъуамӕ радтаиккой эксплуатацимӕ Паддзахадон драмон театры бӕстыхаимӕ иумӕ 2018 азы. Уый фӕстӕ объекты баконд цалдӕр хатт аргъӕвтой.

Тестирование фонтана в Цхинвале
© Sputnik / Элина Габараева
Тестирование фонтана в Цхинвале
6