ЦХИНВАЛ, 23 окт — Sputnik. Хуссар Ирыстоны хицауад сæхгæндзæн Гуырдзыстонимæ арæн уыцы бæстæйы президентон æвзæрстыты рæстæгмæ, хъусын кæны Паддзахадон æдасдзинады комитеты пресс-службæ.
Уагдоны куыд банысан кодтой, афтæмæй уадзæн пунктты куыст æрлæудзæн 27 октябры 20:00 сахатыл.
"Уадзæн пункттæ æрвылбонон режимы сæ куыст сног кæндзысты 29 октябры райсом æхсæз сахатæй", — загътой комитеты.
Президентон æвзæрстытæ Гуырдзыстоны ацæудзысты хуыцаубоны, 28 октябры.