Хуссар Иры хъӕутӕй иуы цур ссардтой минометы нӕмыг

Хуссар Иры хъӕутӕй иуы цур ссардтой минометы нӕмыг

4
(ранӕуӕггонд 11:47 30.10.2018)
Уӕлвӕткон уавӕрты министрады кусджытӕ систой тӕссаг ссарӕггаг, цӕмӕй йӕ скуынӕг кӕной ӕдас бынаты

ЦХИНВАЛ, 30 окт — Sputnik. Минометы 82-миллиметрон нӕмыг ссардтой Хуссар Ирыстоны Цхинвалы районы Къостайы хъӕуы цур, хъусын кӕны республикӕйы Мидхъуыддӕгты министрады (МХМ) пресс-службӕ.

"Цхинвалы районы мидхъуыддӕгты хайадмӕ бацыд хъусинаг, Къостайы хъӕуы цур кӕй ссардтой ӕбӕрӕг сармадзаны нӕмыг. Цауы бынатмӕ ацыдысты Цхинвалы районы мидхъуыддӕгты хайады къорд ӕмӕ республикӕйы Уӕлвӕткон уавӕрты министрады (УУМ) сапертӕ", — дзырдӕуы хъусинаджы.

Уагдоны бафтыдтой, зӕгъгӕ, минометы нӕмыг ахастой УУМ кусджытӕ, цӕмӕй йӕ скуынӕг кӕной.

4