Бибылты Анатолий

Президент паддзахадон статистикӕйы кусджытӕн: уӕ куыст кӕддӕриддӕр у кадджын

16
(ранӕуӕггонд 10:52 31.10.2018)
Хайады куыст ӕххуыс кӕны республикӕйы экономикӕйы райрӕзтӕн, бахахх кодта Бибылты Анатолий

ЦХИНВАЛ, 31 окт — Spunik. Хуссар Ирыстоны паддзахадон статистикӕйы хайады куыст ӕххуыс кӕны республикӕйы экономикӕйы райрӕзтӕн ӕмӕ адӕмы хӕрзвадатӕн. Уый тыххӕй дзырдӕуы Хуссар Ирыстоны президент Бибылты Анатолийы арфӕйы республикӕйы паддзахадон статистикӕйы хайады кусджытӕн, кӕцытӕ ӕртыццӕджы нысан кӕнынц сӕ профессионалон бӕрӕгбон.

"Статистикон бӕрӕггӕнӕнты ӕмбырд ӕмӕ анализ у тынг бӕрнон ӕмӕ цытджын куыст. Паддзахадон статистикӕйы хайады оперативон ӕмӕ объективон информацийы бындурыл саразынц программӕтӕ, кӕцытӕ здӕхт вӕййынц Хуссар Ирыстоны райрӕзтмӕ, экономикӕйы рӕзт ӕмӕ адӕмы хӕрзвадатмӕ", — радӕтта президенты ныхӕстӕ йӕ пресс-службӕ.

Бибылты Анатолий фидарӕй загъта, зӕгъгӕ, хайады кусджытӕ дарддӕр дӕр хӕсдзысты сӕ хайбавӕрд социалон ахсджиаг проектты реализацимӕ, ӕмӕ ӕххӕст кӕндзысты сӕ хӕслӕвӕрдтӕ.

16