Минин ӕмӕ Пожарскийы цырт

Цхинвалы расидтысты конкурс Уӕрӕсейы историйы фӕдыл

13
(ранӕуӕггонд 18:30 06.11.2018)
Конкурсы уӕлахиздзаутӕ райсдзысты сӕрмагонд лӕвӕрттӕ ӕмӕ сын уыдзӕн фадат ацӕуын Уӕрӕсемӕ ахуырадон программӕ "Здравствуй, Россия - 2019!"-ы фӕлгӕтты

ЦХИНВАЛ, 6 ноя — Sputnik. Уӕрӕсейы зонад ӕмӕ культурӕйы центр Цхинвалы Тыбылты Александры номыл Хуссар Ирыстоны паддзахадон университетимӕ иумӕ фехъусын кодта фӕсивӕды ӕхсӕн историйы конкурсы расидты тыххӕй, дзырдӕуы центры официалон сайтыл.

Цхинвалы ацыд тымбыл фынг
Представительство Россотрудничества в РЮО

Конкурс уагъд цӕуы дыууӕ кары категориты хайадисджыты ӕхсӕн — 15-18 ӕмӕ 19-20 ӕзты — номинациты "Листая страницы истории России", "История одного российского города" ӕмӕ "Россия в истории моего края".

Мадзал ацӕудзӕн дыууӕ этапы: фыццаг этапы ацӕудзӕн куыстыты фӕсаууон конкурс, кӕцыйы уӕлахиздзаутӕ фембӕлдзысты финалы.

"Бавдысттӕ конкурсы хайад райсынмӕ ист цӕуынц 2018 азы 25 ноябрьмӕ. Хайадисджыты ӕрмӕджытӕ ӕрвыст цӕуынц Уӕрӕсейы зонад ӕмӕ культурӕйы центрмӕ гӕххӕттыл фыстӕй ацы адресыл: Цхинвал, Плиты Иссӕйы уынг, 17", дзырдӕуы центры хъусинаджы.

Фӕстиуджытӕ рабӕрӕг кӕндзӕн профессионалон историкты сӕрмагонд экспертон совет: лауреатты зӕгъдзысты хорзӕхкӕныны церемонийы рӕстӕджы — 7 декабрьмӕ.

Хайадисджытӕ, кӕцытӕ бацахсдзысты призон бынӕттӕ, райсдзысты уӕлахиздзауы диплом ӕмӕ лӕвӕрттӕ организатортӕй. АФтӕ 15-18 ӕзты кары къорды призертӕн уыдзӕн фадат ацӕуын Уӕрӕсемӕ "Здравствуй, Россия — 2019!" ахуырадон программӕйы фӕлгӕтты.

13