ЦХИНВАЛ, 13 ноя — Sputnik. Хуссар Ирыстоны президент Бибылты Анатолий хайад исы бӕрӕгбонон мадзӕлтты, кӕцытӕ нывонд сты Маргеловы номыл Рязаны Уӕлдӕфон-десантон ӕфсады (УДӔ) командон ахуыргӕнӕндоныл 100 азы сӕххӕсты цытӕн, хъусын кӕны паддзахады сӕргълӕууӕджы пресс-службӕ.
Бибылты Анатолий фембӕлд ахуыргӕнӕндоны директор ӕмӕ ахуыргӕнджытимӕ, кӕцытӕн загъта бузныг Хуссар Ирыстонӕй курсантты кӕй ахуыр кӕнынц, уый тыххӕй.
"Бузныг уын Республикӕ Хуссар Ирыстоны ног ӕфсӕддон элитӕ кӕй ахуыр кӕнут, уый тыххӕй", — загъта президент.
Амӕйразмӕ, бӕрӕгбонон мадзӕлтты фӕлгӕтты Бибылты Анатолий фембӕлд хуссарирыстойнаг курсанттимӕ. Президент раарфӕ кодта курсанттӕн ӕмӕ сын йӕ цӕст бауарзта, цӕмӕй уой алыхатт дӕр цӕсгомджын ӕмӕ службӕ кӕной сӕ Фыдыбӕстӕйы хӕрзӕбонӕн.
Мадзӕлтты хайадисджытӕ бацыдысты Сыгъдӕг Георгийы ног аргъуан ӕмӕ УДӔ музеймӕ, кӕцытӕ сты ахуыргӕнӕндоны территорийыл.
Юбилейы цытӕн ахуыргӕнӕндоны курсанттӕ ӕмӕ офицертӕ рацыдысты бӕрӕгбонон маршы ӕмӕ сӕххӕст кодтой патриотон зарджытӕ.
Афтӕ ма мадзӕлтты хайад райстой Хуссар Ирыстоны минӕвар Уӕрӕсейы Гасситы Знауыр ӕмӕ хъахъхъӕнынады министр Гассеты Ибрагим.
