Культурӕйы министр радзырдта ног театры фыццаг спектаклы тыххӕй

© Sputnik / Наталья АйриянЗассеты Жанна
Зассеты Жанна - Sputnik Хуссар Ирыстон
Рафыссын
Фыццаг спектакль хъуамӕ сӕххӕст кодтаиккой Хетӕгкаты Къостайы райгуырӕн боны, фӕлӕ премьерӕйы датӕ ахастой азы кӕрӕттӕм, банысан кодта Зассеты Жанна

ЦХИНВАЛ, 28 ноя — Sputnik, Козаты Диана. Азы кӕрӕттӕм хуссарирыстойнаг кӕсджытӕ фендзысты фыццаг спектакль Хетӕгкаты Къостайы номыл паддзахадон драмон театры ног агъуысты сценӕйыл — уый уыдзӕн пьесӕ "Фатимӕ", загъта йӕ пресс-конференцийы культурӕйы министр Зассеты Жанна.

Государственный драматический театр, отреставрированный после пожара 2005 года. - Sputnik Хуссар Ирыстон
Театры фӕдыл уагӕвӕрд ӕмӕ мыздтӕ актертӕн: парламенты ацӕудзӕн уӕрӕх рабадт

Хуссар Ирыстоны сӕйрагдӕр культурон объекттӕй иуы бакодтой ацы аз августы. Театры аивадон разамонӕг Дзудцаты Тамерлан уыцы мадзалы рӕстӕджы фехъусын кодта, зӕгъгӕ, театралон сезон байгом уыдзӕн Хетӕгкаты Къостайы поэмӕ "Фатимӕ"-йы равдыстӕй. 15 октябрьмӕ уый сӕххӕст кӕнын нӕ рауадис.

"Театралон сезон бакӕндзыстӕм "Фатимӕ" спектаклӕй. Хъыгагӕн, нын нӕ рауадис сӕххӕст кӕнын уый поэты райгуырӕн бонмӕ. Бирӕтӕ хъуыды кӕнынц, сезон кӕй хъӕуы бакӕнын комедийӕ, фӕлӕ "Фатимӕ" ӕмӕ Къостайӕн тынг ахсджиаг бынат ис нӕ адӕмы царды", — загъта Зассеты Жанна.

Министр банысан кодта, спектаклы кӕй хъӕуы зын декорацитӕ, уый тыххӕй ӕмӕ ног агъуысты сценӕ у стырдӕр, раздӕры декорацитӕ та дзы не сфидаудзысты.

Паддзахадон драмон театр у Хуссар Ирыстоны адӕмы национ хӕзна. Йӕ баконд уыд тынг ахсджиаг цау ӕнӕхъӕн республикӕйы культурон царды.

Ног хабӕртты лентӕ
0