Сезонон рахызт: уӕрӕсейаг ӕфсӕддонтӕ Хуссар Иры уадздзысты зымӕгон ахуыртӕ

Рафыссын
Хуссар ӕфсӕддон зылды сӕйраг хъусдард уыдзӕн здӕхт масштабон конмандон-штабон ахуыртӕм, кӕцыты къухдариуӕгад кӕндзӕн зылды ӕфсӕдты командӕгӕнӕг инӕлар-булкъон Александр Дворников

ЦХИНВАЛ, 3 дек – Sputnik. Ахуырты зымӕгон период райдыдта 4-ӕм уӕрӕсейаг ӕфсӕддон базӕйы Хуссар Ирыстоны, хъусын кӕны Хуссар ӕфсӕддон зылды пресс-службӕ.

Уӕрӕсейаг ӕфсӕддонтӕ Хуссар Иры - Sputnik Хуссар Ирыстон
Уӕрӕсейаг ӕфсӕддонтӕ Хуссар Иры хайад исынц егъау ахуырты

Зымӕгон периоды ахуыртӕм рахызтысты зылды алкӕцы хайады дӕр. Ӕфсӕддон цӕттӕкӕнынады ахуыртӕ уагъд цӕудзысты Хуссар ӕфсӕддон зылды 30 полигоныл Ростов, Астрахань, Волгоград, Кубань ӕмӕ Ставрополы областты территоритыл, афтӕ ма Цӕгат Кавказы республикӕтӕ, Хъырым, Абхаз, Сомих ӕмӕ Хуссар Ирыстоны.

Иумӕйагӕй 2019 ахуырадон азы нывӕндынц ауадзын 300 тактикон ахуыр. Зылды полигонтыл ӕфсӕддонтӕ ауадздзысты 3 мин ахуырадон ӕхст.

Хуссар ӕфсӕддон зылды сӕйраг хъусдард уыдзӕн здӕхт масштабон конмандон-штабон ахуыртӕм, кӕцыты къухдариуӕгад кӕндзӕн зылды ӕфсӕдты командӕгӕнӕг инӕлар-булкъон Александр Дворников.

Ног ахуырадон азы уагъд цӕудзысты Хуссар ӕфсӕддон базӕты уӕрӕсейаг хайадты иумӕйаг тактикон ахуыртӕ Хуссар Ирыстон, Сомих ӕмӕ Абхазы гарзджын тыхтимӕ иумӕ.

Ног хабӕртты лентӕ
0