Бала Бестауты

Бестауты Бала радзырдта, цӕмӕ хъӕуы Хуссар Иры быроны полигон

50
(ранӕуӕггонд 10:58 20.12.2018)
Хъӕбӕр ӕвзарӕнты полигоны арӕзтад нывӕндынц 2019 азмӕ – цы проблемӕтӕ аскъуыддзаг кӕндзӕн ацы проект, уый тыххӕй радзырдта Sputnik пресс-конференцийы Бестауты Бала

ЦХИНВАЛ, 20 дек — Sputnik, Гӕбӕраты Ян. Быроны полигон кусдзӕн 30 азы ӕмӕ аххӕсдзӕн ӕнӕхъӕн республикӕйыл, радзырдта Sputnik пресс-конференцийы Хуссар Ирыстоны экологи ӕмӕ геологийы комитеты сӕрдар Бестауты Бала.

"Быроны проблемӕ у ахсджиаг — горӕты алыварс фӕзындысты бирӕ бырондӕттӕ, адӕм калынц сӕ бырон алыран дӕр, ӕмӕ уыйимӕ хъӕуы тох кӕнын", — банысан кодта Бестауты Бала.

Ног бырондон сараздзысты Цхинвалӕй фондз километр фалдӕр, Ирыхъӕуы. Проектмӕ гӕсгӕ, дыууӕ егъау котлованы аххӕсдзысты республикӕйы сӕйраг районтыл ӕмӕ уый аскъуыддзаг кӕндзӕн быроны проблемӕ 25-30 азмӕ.

"Хъӕбӕр ӕвзарӕнтӕ ӕлхъывд цӕудзысты сӕрмагонд прессы хицӕн брикеттӕм. Уый ратдзӕн фадат утилизаци кӕнын ӕвзарӕнтӕ экологийӕн ӕдасӕй", — радзырдта Бестауты Бала.

Бестауты Балайы ныхӕстӕм гӕсгӕ, ныры бырондон хъуамӕ скуынӕг кӕной, ног полигон куы саразой, уӕд, уый тыххӕй ӕмӕ у тӕссаг экологийӕн.

Полигоны арӕзтад нывӕндынц 2019 азы уӕрӕсейаг инвестицион программӕйы фӕлгӕтты. Проекты аргъ у 170 милуан соммӕ ӕввахс.

50
Коронавирус

Сӕйраг санитарон дохтыр коронавирусы апарахаты тыххӕй Хуссар Иры: ӕнӕстабилон уавӕр

6
(ранӕуӕггонд 16:30 23.10.2020)
Низ арӕхдӕр бахӕцы 18-69 азы кары адӕмыл, ацы кары къордмӕ хауы вирусӕй рынчынты ӕртыккаг хай, банысан кодта Коцты Марина

ЦХИНВАЛ, 23 окт — Sputnik, Козаты Диана. Хуссар Ирыстоны коронавирусӕй рынчынты ӕртын процентӕй фылдӕр хоскӕнынад цӕуынц медицинон уагдӕтты, радзырдта йӕ интервьюйы Sputnik республикӕйы сӕйраг санитарон дохтыр Коцты Марина.

Югосетпотребнадзоры сӕргълӕууӕг схуыдта коронавирусы апрахаты уавӕр Хуссар Ирыстоны "ӕнӕстабилон". Уый радон хатт ӕрсидт цӕрджытӕм, цӕмӕй ӕххӕст кӕной дохтыртӕ ӕмӕ эпидемиологты рекомендацитӕ, дарой маскӕтӕ ӕмӕ сӕхи хизой адӕмы массон ӕмбырдтӕй.

"Фӕрынчынуӕвджыты ӕртын иу проценты сты стационарты. Инфекцион рынчындон ӕмӕ сывӕллӕтты рынчындоны сты 84 пациенты коронавирусимӕ. Се хсӕн ис уӕззау рынчынтӕ дӕр. Дохтыртӕ аразынц алцыдӕр, цы ис сӕ тыхты, фӕлӕ уыцы тыхтӕ фаг не сты", - загъта Коцты Марина.

Йӕ ныхӕстӕм гӕсгӕ, фӕрынчынуӕвджыты 70 проценты сты 18-69 азы кары адӕм. 12 процентмӕ ӕввахс сты сывӕллӕттӕ 17 азы онг, ӕмӕ 18 проценты та сты 65 азӕй хистӕрдӕр адӕм.

Сӕйраг санитарон дохтыр бахахх кодта, уагдонмӕ кӕй ис тест-системӕтӕ 10 000 басгӕрст ауадзынӕн.

"Хардзгӕнӕн ӕрмӕджытимӕ проблемӕ нын уыд, фӕлӕ сӕ тагъд райстам. Уыдон дефициты сты Уӕрӕсейы дӕр. Мах алкӕмӕндӕр аразӕм тесттӕ, фӕлӕ лабораторийы хъомыс ӕмӕ адӕймагон ресурс нӕ фаг кӕнынц" – банысан кодта Коцты Марина.

Уый ма бафтыдта, зӕгъгӕ, Югосетпотребнадзорӕй дарддӕр ӕмбӕстӕгтӕн фадат ис раттын анализтӕ хисӕрмагонд лабораториты "Гемотест" ӕмӕ "КДЛ"-йы.

6
Уӕззау рӕстӕг: куыд кусы Тагъд ӕххуыс Цхинвалы

Уӕззау рӕстӕг: куыд кусы Тагъд ӕххуыс Цхинвалы

13
(ранӕуӕггонд 22:08 23.10.2020)
Тагъд ӕххуысы службӕйы куысты егъау гуырахстӕн бамбарӕн ис сӕ хӕдтулгӕты змӕлдӕй горӕты, столицӕйы уынгтыл азилгӕйӕ ӕнӕмӕнг фембӕлдзынӕ дохтырты бригадӕтыл

ЦХИНВАЛ, 23 окт — Sputnik, Плиты Фатимӕ. Хуссар Ирыстоны тагъд ӕххуысы станцы медиктӕ кусынц уӕлвӕткон уавӕрты. Дохтырты бахъӕуы ӕртӕ суткӕ фӕд-фӕдыл кусын.

Тагъд ӕххуысы дохтыр Ӕрсойты Дианайы ныхӕстӕм гӕсгӕ, бригадӕтӕ станцмӕ цӕуынц ӕрмӕст сӕ хызынтӕ медикаменттӕй баххӕст кӕнынмӕ.

"Тынг бирӕ нӕм сидынц, бирӕ ис коронавирусӕй рынчынтӕ. Абон дӕр фӕхӕццӕ кодтам рынчындонмӕ сылгоймагджы уӕззау уавӕры, кӕцыйӕн йӕ рӕуджыты 60% джиздард сты, ис ын сӕкӕрниз. Фӕлӕ ма уыимӕ иумӕ бирӕ адӕм тасӕй дӕр дзурынц 37,5 тӕвдимӕ",- загъта дохтыр.

Фӕстаг ӕртӕ къуырийы сарӕх сты коронавирусӕй рынчынтӕ, зынгӕ фӕфылдӕр ис тагъд ӕххуысы службӕйы куыст, уыимӕ иумӕ ма ис рынчынтӕ медикты хсӕн дӕр.

"Мӕ къӕхтыл ма тыххӕй лӕууын. Ӕртӕ суткӕ кусын ӕнӕрлӕугӕйӕ. Афтӕ кусынц мӕ коллегатӕ дӕр. Иу бон хъуамӕ баулӕфон ӕмӕ та уый фӕстӕ рахидзӕн радгӕсмӕ. Нӕ дохтыртӕй ӕртӕ рынчын сты, уымӕ гӕсгӕ аннӕты куыст фӕфылдӕр ис. Ӕппынӕдзух нӕм кусы цыппар бригадӕ. Алкӕцы дохтыр дӕр адӕм ӕмӕ нӕ сӕйраг дохтыры ӕфсӕрмӕй кусы уӕлвӕткон режимы", - бафтыдта медик.

Дохтыры ныхӕстӕм гӕсгӕ, хъахъхъӕнӕг ӕрмӕгӕй сты ӕххӕст. Коронавирусы апарахаты масштаб хынцгӕйӕ тагъд ӕххуысы службӕ рынчындонмӕ кӕнынц ӕрмӕст уӕззау рынчынты.

"Уӕззау рынчын чи нӕу, уыдонӕн дӕттӕм рекомендацитӕ ӕмӕ сӕ радтӕм фадыгон дохтыры бӕрнмӕ", - загъта дохтыр.

Ӕрсойты Диана ма бахахх кодта, фӕстаг ӕртӕ къуыри нырма рынчынты ӕмӕ рбадзырдты нымӕц кӕй хизы уӕлӕмӕ.

"Иууыл тынгдӕр тыхсӕм ӕнӕрлӕугӕ куыстӕй. Улӕфынӕн иу уысм дӕр рӕстӕг нӕй. Ӕхсӕв цъус вӕййы сабырдӕр", - загъта Ӕрсойты Диана.

Дохтыры ныхӕстӕм гӕсгӕ, сӕ службӕ тыхсы ӕрмӕст дохтырты цухдзинадӕй, астӕуккаг медперсонал фаг кӕны.

"Тагъд ӕххуысы сӕйраг дохтыр бахатыд, цӕмӕй нӕм фӕкӕсой кадртӕй, фӕлӕ нырма фарст скъуыддзаг нӕу", - бафтыдта уый.

13