Цхинвайлаг актерты хайадистæй сериал равдисдзæн канал Россия 1

© Sputnik / Наталья АйриянФильм "Решение о ликвидации"-йы премьерон равдыст
Фильм Решение о ликвидации-йы премьерон равдыст - Sputnik Хуссар Ирыстон
Рафыссын
Киноныв Пæррæстаты Дмитрий æмæ Мамиты Григорийимæ рацæудзæн Уæрæсейы сæйраг каналтæй иуы эфиры 21 декабрæй

ЦХИНВАЛ, 20 дек — Sputnik, Плиты Фатимæ. Уæрæсейы паддзахадон телерадиокомпани "Россия 1"-ы эфиры 21 декабры рацæудзæн æгъатыр террорист Шамиль Басаевы аиуварс кæныны фæдыл операцийыл таурæгъгæнæг кинонывы "Решение о ликвидации"-йы рауæрæхгонд верси, фехъусын кодта Sputnik Хуссар Ирыстоны адæмон артист Пæррæстаты Дмитрий, кæцы кинойы сæххæст кодта сæйраг хъайтартæй иуы фæлгонц.

Фильмы уæрæх версийы ма архайы аннæ цхинвайлаг актер Мамиты Григорий дæр.

"Уæрæсейы паддзахадон телерадиокомпани "Россия 1"-йы эфиры 21 декабры 23:20 сахатыл равдисдзысты киноныв "Решение о ликвидации"-йы рауæрæхгонд вариант, цæудзæн æхсæв 02:55 онг, цыппар серийы фæд-фæдыл. Уый у аивадон кинонывы æххæст верси. Ам уæрæх экраныл фæзындзæн нæ паддзахадон театры æвзонг артист Мамиты Григорий дæр", — загъта Пæррæстаты Дмитрий.

Фильм "Решение о ликвидации" цæуы сахат æмæ æрдæг, сериал иумæйагæй æртæ сахат æмæ æрдæг. Фильмы цыбыр верси рацыд уæрæх прокаты сæрды.

Решение о ликвидации - Sputnik Хуссар Ирыстон
Фильм "Решение о ликвидации" Цхинвалы бавдисдзысты йæ режиссер æмæ актертæ

Киноныв "Решение о ликвидации" ист æрцыд Цæгат Ирыстоны. Сæйраг рольтæй иу сæххæст кодта Хуссар Ирыстоны адæмон æмæ Цæгат Ирыстоны сгуыхт артист. Уый у йæ дебютон куыст кинойы, куыд сæйраг фæлгонцтæй иуы æххæстгæнæг, афтæ. Уымæй размæ ма Дмитрий ахъазыд сериалтæ "Солдаты" æмæ "Тайная стража"-йы.

Фильмы æвдыст цæуынц 2006 азы цаутæ, Шамиль Басаев æмæ йæ æмархайджытæ куынæг куы рцыдысты. Сценарий бындуриуæг кодта раргомгонд факттыл. Сæйраг террористы ролы архайы цæцæйнаг актер Аюб Цингиев. Сæйраг фæлгонцты ма ахъазыдысты Игорь Петренко, Алексей Вертков, цæгатирыстойнаг Фидарты Сослан.

Ног хабӕртты лентӕ
0