Хуссар Иры президент бакодта ногазон акци Бӕллицты фонтан

Хуссар Иры президент бакодта ногазон акци "Бӕллицты фонтан"

13
Хӕрзаудӕн акци уагъд цӕуы ныридӕгӕн дыккаг хатт – алкӕмӕн дӕр фадат ис сӕххӕст кӕнын Цхинвал, Дзау ӕмӕ Ленингоры интернат, афтӕ ма ӕххуысхъуаг бинонты сывӕллӕтты бӕллицтӕ

ЦХИНВАЛ, 21 дек - Sputnik. Президент Бибылты Анатолий бакодта ногазон акци "Бӕллицты фонтан", кӕцы дыккаг аз уагъд цӕуы Паддзахадон телерадиокомпани "Ир"-ы, хъусын кӕны паддзахады сӕргълӕууӕджы пресс-службӕ.

Акци, кӕцы сӕххӕст президенты ӕххуысы руаджы, уагъд цӕуы Цхинвал, Дзау ӕмӕ Ленингоры интернаты сывӕллӕттӕн. Афтӕ ма проекты хайад райсынмӕ фӕхуыдтой ӕххуысхъуаг бинонты сывӕллӕтты. Сывӕллӕттӕ ауагътой фонтаны наутӕ фыстӕджытимӕ, кӕцытӕ здӕхт сты Митын Дадамӕ.

Проекты автор Хъуылымбегты Елена бафарста паддзахады сӕргълӕууӕджы, куыд нысан кӕндзӕн Ног аз.

"Алкӕцы адӕймагӕн дӕр, йӕ архайдмӕ нӕкӕсгӕйӕ ис бӕллицтӕ ӕмӕ нысӕнттӕ, кӕцытӕ йӕ фӕнды сӕххӕст кӕнын. Ног аз нысан кӕндзӕн мӕ бинонты ӕхсӕн, ӕмӕ традицимӕ гӕсгӕ раарфӕ кӕндзӕн ӕрӕмбырдуӕвджытӕн Театралон фӕзуатыл", - банысан кодта Бибылты Анатолий.

Афтӕ ма президент бахатыд алкӕмӕдӕр, кӕмӕн ис фадат, хайад райсын акцийы ӕмӕ сӕххӕст кӕнын сывӕллӕтты бӕллицтӕ. Ноджы ма Бибылты Анатолий радзырдта йӕ нывӕзтыты тыххӕй фидӕн азмӕ, се хсӕн республикӕйы социалон райрӕзт.

"Махӕн бирӕ нывӕзтытӕ ис фидӕн азмӕ. Мах алцыдӕр аразӕм, цӕмӕй ӕххуысхъуаг бинонты сывӕллӕттӕ цӕрой комфортон уавӕрты. Фидӕн азмӕ бюджеты 95% здӕхт у социалон райрӕзтмӕ", - загъта президент.

Президент сӕххӕст кӕндзӕн ногазон бӕллицтӕ ӕртӕ сывӕллонӕн, кӕцытӕ Митын Дадайӕ ракуырдтой велосипед, смартфон ӕмӕ "Триколор ТВ".

  • Хуссар Иры президент бакодта ногазон акци Бӕллицты фонтан
    Хуссар Иры президент бакодта ногазон акци "Бӕллицты фонтан"
    © Пресс-служба президента РЮО.
  • Хуссар Иры президент бакодта ногазон акци Бӕллицты фонтан
    Хуссар Иры президент бакодта ногазон акци "Бӕллицты фонтан"
    © Пресс-служба президента РЮО.
  • Хуссар Иры президент бакодта ногазон акци Бӕллицты фонтан
    Хуссар Иры президент бакодта ногазон акци "Бӕллицты фонтан"
    © Пресс-служба президента РЮО.
1 / 3
© Пресс-служба президента РЮО.
Хуссар Иры президент бакодта ногазон акци "Бӕллицты фонтан"
13