Хуссар Ирыстоны сӕргълӕууӕг хайад райста хӕрзаудӕн изӕры

Диссаджы курдиаты хицӕуттӕ: Цхинвалы ацыд хӕрзаудӕн изӕр сывӕллӕттӕн

4
Хуссар Ирыстоны сӕргълӕууӕг хайад райста бӕрӕгбоны, кӕцы сорганизаци кодтой республикӕйы интернатты сывӕллӕттӕн

ЦХИНВАЛ, 24 дек - Sputnik. Цхинвалы ацыд хӕрзаудӕн изӕр, кӕцы сорганизаци кодтой республикӕйы интернатты сывӕллӕттӕн, афтӕ ма уӕззау низтимӕ ӕмӕ ӕххуысхъуаг бинонты сывӕллӕттӕн. Мадзалы хайад райста Хуссар Ирыстоны президент Бибылты Анатолий, хъусын кӕны паддзахады сӕргълӕууӕджы пресс-службӕ.

Мадзалы организатортӕ уыдысты парти "Иугонд Ирыстон"-ы уӕнгтӕ президенты ӕххуысӕй, афтӕ ма РХИ Ӕхсӕнадӕмон хыгъдон банк ӕмӕ Сбербанкы кусджытӕ дӕр.

Музыкалон ногазон изӕры хайад райстой аниматортӕ ӕмӕ ногазон бӕрӕгбоны традицион архайджытӕ – Митын Дада ӕмӕ Митын чызг.

Бибылты Анатолий раарфӕ кодта ӕрӕмбырдуӕвджытӕн Ног азы цытӕн ӕмӕ сын йӕ цӕст бауарзта, цӕмӕй бӕрӕгбонон ӕхсӕвы сывӕллӕттӕ ӕмӕ хистӕрты бӕллицтӕ сӕххӕст уой.

"Мӕ цӕст уарзы, цӕмӕй Митын Дада ацы Ног азы бӕрӕгбоны сӕххӕст кӕна алкӕцы сывӕллоны бӕллиц. Махмӕ ис тынг зӕнджын ӕмӕ курдиатджын сывӕллӕттӕ. Фӕнды мӕ зӕгъын бузныг ныййарджытӕн ӕмӕ ахуыргӕнджытӕн, кӕцытӕ хъомыл кӕнынц ацы диссаджы сывӕллӕтты", - загъта президент.

Бӕрӕгбонон изӕр фӕцис фейерверкӕй.

  • Хуссар Ирыстоны сӕргълӕууӕг хайад райста хӕрзаудӕн изӕры
    Хуссар Ирыстоны сӕргълӕууӕг хайад райста хӕрзаудӕн изӕры
    © Пресс-служба президента РЮО.
  • Хуссар Ирыстоны сӕргълӕууӕг хайад райста хӕрзаудӕн изӕры
    Хуссар Ирыстоны сӕргълӕууӕг хайад райста хӕрзаудӕн изӕры
    © Пресс-служба президента РЮО.
1 / 2
© Пресс-служба президента РЮО.
Хуссар Ирыстоны сӕргълӕууӕг хайад райста хӕрзаудӕн изӕры
4