Хуссар Иры фӕсивӕд хайад райста зонадон конференцийы Мӕскуыйы

Хуссар Иры фӕсивӕд хайад райста зонадон конференцийы Мӕскуыйы

11
(ранӕуӕггонд 15:10 24.12.2018)
Ӕфсӕддон университеты ахуыргӕнинӕгтӕ Хуссар Ирыстонӕй бавдыстой зонадон мадзалы доклад республикӕйы экономикӕйы интеграцийы перспективӕты тыххӕй евразиаг тыгъдадмӕ

ЦХИНВАЛ, 24 дек — Sputnik. Хуссар Ирыстоны минӕвӕрттӕ ралӕууыдысты Ӕхсӕнадӕмон зонадон-практикон конференци "Организационно-управленческие и социокультурные инновации в развитии цифровой экономики и систем электронного образования"-йы программон комитеты куысты рӕстӕджы.

Зонадон мадзал ацыд Мӕскуыйы, йӕ организатор уыд Плехановы номыл Уӕрӕсейаг экономикон университет, хъусын кӕны Хуссар Ирыстоны минӕварады пресс-службӕ.

Хуссар Ирыстоны делегацийы сконды Ӕфсӕддон университеты сӕрмагонд факультеты ахуыргӕнинӕгтӕ Уалыты Тамара ӕмӕ Мамиты Бэлла бавдыстой конференцийы доклад "Хуссар Ирыстоны экономикӕйы интеграцийы перспективӕтӕ евразиаг тыгъдадмӕ".

Конференцийы куысты хайад райстой дипломатон минӕвӕрттӕ, кӕцытӕ аккредитацигонд сты Мӕскуыйы, уӕрӕсейаг ӕмӕ фӕсарӕйнаг ахуыргӕнӕндӕттӕ, ӕхсӕнадӕмон ӕмӕ паддзахадон организациты минӕвӕрттӕ, афтӕ ма уӕрӕсейаг ӕмӕ фӕсарӕйнаг ахуыргондтӕ, аспиранттӕ, магистранттӕ ӕмӕ студенттӕ.

11